ఇలాంటి అన్నం తింటే అసలు అన్నం మర్చిపోతారు, ఇంట్లో కూరగాయలు లేనప్పుడు 5 నిమిషాల్లో ఈ అన్నం చేసుకోవచ్చు, ఎందుకంట

ఉరుకుల పరుగుల జీవితంలో చాలా మందికి వంట చేసుకునే సమయం కూడా ఉండడం లేదు. అలాగే చాలా మంది బ్యాచ్‌లర్స్‌కు కూడా వంట చేసుకోవడం రాకపోవడం వలన, ఎక్కువగా బయటి ఫుడ్స్‌కు అలవాటు పడిపోతున్నారు. అయితే ఈ స్టోరీలో కేవలం అయిదు నిమిషాల్లో ఇంట్లో ఎలాంటి కూరగాయలు లేకపోయినా.. సులభంగా కారం అన్నం చేసుకోవచ్చు. ఈ కారం అన్నం ఎలా చేసుకోవాలి? దానికి కావాల్సిన పదార్థాలు ఏంటి అనేది ఈ స్టోరీలో తెలుసుకుందాం.

ఇలాంటి కోడిగుడ్డు కూర మీరు అసలే తిని ఉండరు, ముద్ద తింటే లాలాజలం ఊరాల్సిందే.. ఎలా చేసుకోవాలంటే

కారం అన్నం తయారీకి కావాల్సిన పదార్థాలు

ఉడికించిన అన్నం: 2 కప్పులు
ఉల్లిపాయ: 1 (సన్నగా తరిగినవి)
పచ్చిమిర్చి: 2 (సన్నగా తరిగినవి)
కారం: 1-2 టీస్పూన్లు (రుచికి తగినంత)
పసుపు: అర టీస్పూన్
ఆవాలు: 1 టీస్పూన్
జీలకర్ర: అర టీస్పూన్
శనగపప్పు: 1 టీస్పూన్
మినపప్పు: 1 టీస్పూన్
కరివేపాకు: 2 రెబ్బలు
నూనె: 2 టేబుల్ స్పూన్లు
ఉప్పు: రుచికి తగినంత

తయారుచేయు విధానం:

1. ముందుగా స్టవ్ మీద బాణలి పెట్టి నూనె వేడి చేయాలి.
2. అందులో ఆవాలు, జీలకర్ర, శనగపప్పు, మినపప్పు వేసి వేయించాలి.
3. తర్వాత ఉల్లిపాయ, పచ్చిమిర్చి, కరివేపాకు వేసి ఉల్లిపాయలు బంగారు రంగులోకి వచ్చేవరకు వేయించాలి.
4. అనంతరం పసుపు, కారం, ఉప్పు వేసి బాగా కలపాలి.
5. ఇప్పుడు అందులో ఉడికించిన అన్నం వేసి బాగా కలపాలి.
6. 2-3 నిమిషాలు వేడి చేసి దించేయాలి.
7. అంతే, కారం అన్నం రెడీ.