Falooda : సమ్మర్ స్పెషల్ రెసిపి..ఇంట్లోనే చాలా ఈజీగా 'ఫలూదా' ఇలా చేసుకోండి

సమ్మర్ వచ్చిందంటే చాలు చాలామంది ఫలూదా తినడానికి ఇష్టపడుతుంటారు. ఫలూదా ఒక ప్రసిద్ధ భారతీయ డెజర్ట్. చల్లగా, తీయగా, రుచికరంగా ఉంటుంది. ఫలూదాలో అనేక రకాల పదార్థాలు ఉంటాయి, కాబట్టి ఇది పోషకమైనది కూడా. దీనిని ఇంట్లొ కూడా చాలా ఈజీగా తయారుచేసుకోవచ్చు. ఫలూదా తయారీకి కావాల్సిన పదార్థాలు, తయారీ విధానం ఇక్కడ చూడండి.

ఫలూదా తయారీకి కావలసిన పదార్థాలు

డ్రై ఫ్రూట్స్ : బాదం, పిస్తా, జీడిపప్పు
ఐస్ క్రీమ్ : 2 స్కూప్లు
పాలు : 1/2 లీటరు
సబ్జా గింజలు : 2 టేబుల్ స్పూన్లు
సేమియా : 1/2 కప్పు
రోజ్ సిరప్ : 2 టేబుల్ స్పూన్లు
పంచదార : 2 టేబుల్ స్పూన్లు
పండ్లు : అరటి, ఆపిల్, ద్రాక్ష
టూటీ ఫ్రూటీ : 2 టేబుల్ స్పూన్లు

ఫలూదా తయారీ విధానం

-ఫలూదా తయారుచేయడానికి ముందుగా సబ్జా గింజలను నీటిలో నానబెట్టాలి.

-తర్వాత సేమియాను ఉడికించి చల్లార్చాలి.

-తర్వాత పాలను మరిగించి చల్లార్చాలి.

-ఇప్పుడు చల్లారిన పాలలో రోజ్ సిరప్, పంచదార వేసి కలపాలి.

-తర్వాత ఒక గిన్నెలో లేదా గ్లాసులో ముందుగా ఉడికించిన సేమియా వేయాలి.

-తర్వాత అందులో నానబెట్టిన సబ్జా గింజలు, రోజ్ మిల్క్ వేయాలి. పైన, ఐస్ క్రీమ్ వేయాలి.

-డ్రై ఫ్రూట్స్, పండ్లు, టూటీ ఫ్రూటీతో గార్నిష్ చేయాలి. అందే ఫలూదా రెడీ. మీరు మీ రుచికి అనుగుణంగా ఫలూదాలో పదార్థాలను మార్చవచ్చు. ఫలూదాను మరింత రుచికరంగా చేయడానికి దానిపై చాక్లెట్ సిరప్ లేదా కారామెల్ సిరప్ వేయవచ్చు.