Lassi: సమ్మర్ స్పెషల్ లస్సీ,సింపుల్‌గా చిటికెలో ఎలా చేసుకోవాలంటే?

సమ్మర్ వచ్చేస్తుంది గురూ. ఎండలు మండిపోవడం ఇప్పటి నుంచే మొదలయ్యాయి. ప్రజలందరూ కూల్ డ్రింక్స్, కూల్ వాటర్ తాగడం మొదలుపెట్టేశారు. ఈ ఎండలో అందరికీ ఎంతో ఇష్టమైన డ్రింక్ ఏదైనా ఉందంటే అది లస్సి. ఇది వేసవికాలంలో శరీరం చల్లగా ఉండడానికి ఉపయోగపడుతుంది. అలాగే శరీర వేడిని తగ్గిస్తుంది. దీనిని తయారుచేయడానికి చాలా మార్గాలు ఉన్నాయి. అందులో ఒకదాని గురించి ఈరోజు ఈ స్టోరీలో తెలుసుకుందాం.

కావలసిన పదార్థాలు:

1 కప్పు పెరుగు
1/2 కప్పు నీరు
2 టేబుల్ స్పూన్లు చక్కెర
1/4 టీస్పూన్ యాలకుల పొడి
కొన్ని ఐస్ క్యూబ్స్

తయారీ విధానం:

ఒక బ్లెండర్లో పెరుగు, నీరు, చక్కెర మరియు యాలకుల పొడిని వేసుకొని బాగా కలుపుకోవాలి. అదంతా బాగా నునుపుగా లేదా క్రీమీగా అయ్యేంత వరకు బాగా బ్లెండ్ చేసుకోవాలి. ఆ తరువాత అందులో ఐస్ క్యూబ్స్ వేసి మరోసారి బ్లెండ్ చేసుకోవాలి. ఆ తరువాత ఆ లస్సిని గ్లాసులో పోసుకోవాలి. దానిపై బాదం పలుకుల స్లైసెస్ చల్లేస్తే ఎంతో రుచికరమైన, ఆరోగ్యానికి ఎంతగానో మేలు చేసే లస్సి సిద్ధమైనట్లే. మీరూ ఓసారి ట్రై చేయండి మరి.