కర్ణాటక స్పెషల్ చికెన్ చాప్స్..తింటే ఆ మజానే వేరు,ఎలా చేయాలంటే

కర్ణాటక వంటకాలలో చికెన్ చాప్స్ ఒక ప్రత్యేకమైన స్థానాన్ని కలిగి ఉంది. ఇవి రుచికరమైన మసాలాలు, సుగంధ ద్రవ్యాలతో నిండి ఉంటుంది. దీనిని అన్నం, రోటీ లేదా చపాతీతో కలిపి తింటే ఆ రుచి అద్భుతంగా ఉంటుంది. కర్ణాటక స్పెషల్ చికెన్ చాప్స్ ఎలా తయారు చేయాలో, వాటి వల్ల కలిగే ఆరోగ్య ప్రయోజనాలు ఏమిటో ఇక్కడ చూడండి.

చికెన్ చాప్స్ రెసిపి తయారీకి కావలసిన పదార్థాలు

చికెన్ - 500 గ్రాములు
ఉల్లిపాయలు - 2
టమోటాలు - 2
లవంగాలు - 3-4
యాలకులు - 2
కొత్తిమీర - కొద్దిగా
అల్లం వెల్లుల్లి పేస్ట్ - 2 టేబుల్ స్పూన్లు
పసుపు పొడి - 1/2 టీ స్పూన్
కారం పొడి - 1-2 టీ స్పూన్లు
ధనియాల పొడి - 1 టేబుల్ స్పూన్
జీలకర్ర పొడి - 1/2 టీ స్పూన్
గరం మసాలా - 1/2 టీ స్పూన్
కొబ్బరి తురుము - 2 టేబుల్ స్పూన్లు
నూనె - 3-4 టేబుల్ స్పూన్లు
ఉప్పు - రుచికి తగినంత
నిమ్మరసం - 1 టీ స్పూన్
ఎండుమిర్చి - 4-5
ధనియాలు - 1 టేబుల్ స్పూన్
జీలకర్ర - 1/2 టీ స్పూన్
మిరియాలు - 1/4 టీ స్పూన్
దాల్చిన చెక్క - చిన్న ముక్క

చికెన్ చాప్స్ తయారీ విధానం

-ముందుగా ఒక పాన్ లో ఎండుమిర్చి, ధనియాలు, జీలకర్ర, మిరియాలు, లవంగాలు, యాలకులు, దాల్చిన చెక్క వేసి దోరగా వేయించుకోవాలి. ఇవి చల్లారిన తర్వాత మిక్సీలో వేసి మెత్తని పొడిగా చేసుకోవాలి. ఈ పొడిని పక్కన పెట్టుకోవాలి.

-ఇప్పుడు ఒక గిన్నెలో మీడియం సైజులో కట్ చేసిన చికెన్ ముక్కలు, కొద్దిగా ఉప్పు, పసుపు పొడి, 1 టేబుల్ స్పూన్ అల్లం వెల్లుల్లి పేస్ట్ వేసి బాగా కలపాలి. దీనిని కనీసం 30 నిమిషాలు మరినేట్ చేసుకోవాలి.

-తర్వాత ఒక బాండీలో ఆయిల్ వేడి చేసి సన్నగా తరిగిన ఉల్లిపాయలు వేసి బంగారు రంగు వచ్చే వరకు వేయించాలి.

-ఉల్లిపాయలు వేగిన తర్వాత, మిగిలిన 1 టేబుల్ స్పూన్ అల్లం వెల్లుల్లి పేస్ట్ వేసి ఒక నిమిషం పాటు వేయించాలి.

-తర్వాత సన్నగా తరిగిన టమోటాలు వేసి మెత్తగా అయ్యే వరకు ఉడికించాలి.

-ఇప్పుడు కారం పొడి, ధనియాల పొడి, జీలకర్ర పొడి, మనం ముందుగా తయారు చేసుకున్న మసాలా పొడి వేసి బాగా కలపాలి. మసాలా నూనెలో బాగా వేగే వరకు కొన్ని నిమిషాలు ఉడికించాలి.

-మరినేట్ చేసిన చికెన్ ముక్కలు వేసి మసాలా అంతా చికెన్ కు బాగా పట్టేలా కలపాలి.

-రుచికి తగినంత ఉప్పు వేసి కడాయి మూత పెట్టి మీడియం మంట మీద చికెన్ మెత్తగా ఉడికే వరకు ఉడికించాలి. మధ్య మధ్యలో కలుపుతూ ఉండాలి..అవసరమైతే కొద్దిగా నీళ్లు పోసుకోవచ్చు.

-చికెన్ బాగా ఉడికిన తర్వాత గరం మసాలా, కొబ్బరి తురుము వేసి బాగా కలపాలి. ఒక రెండు నిమిషాలు ఉడికించి స్టవ్ ఆఫ్ చేయాలి.

-చివరగా సన్నగా తరిగిన కొత్తిమీరతో గార్నిష్ చేసి నిమ్మరసం పిండుకుంటే కర్ణాటక స్పెషల్ చికెన్ చాప్స్ రెడీ.