మాన్ సూన్ స్పెషల్- పెప్పర్ టమోటో చికెన్ గ్రేవీ

Published: Saturday, July 21, 2012, 17:35 [IST]

టమోటో చికెన్ కలర్ ఫుల్ మసాలా మాన్ సూన్ చికెన్ గ్రేవీ రిసిపి. దీని రుచికి మరే ఇతర చికెన్ రుచులకు సాటి రాదు. చికెన్ తో ఎన్ని రకాల వెరైటీలు అయినా ఈజీగా చేసెయ్యొచ్చుటమాటా, మిరియాలపొడి వేసి చేసే ఈ గ్రేవీ కొంచెం స్పైసీగా అన్నంలోకి అయినా, చపాతీ లోకి అయినా బావుంటుంది.

కావలసిన పదార్దాలు :
చికెన్ : 1/2kg
ఉల్లిపాయ: 1
టమాటా: 1
పచ్చిమిర్చి: 4-6
కరివేపాకు: ఒక రెమ్మ
అల్లంవెల్లుల్లి ముద్ద: 2tbsp
గరం మసాలా పొడి: 1tbsp
కొత్తిమీర: 1/4cup
మిరియాలపొడి: 2tbps
పసుపు: 1/4tsp
ఉప్పు, కారం: రుచికి తగినంత
నూనె: సరిపడా

తయారు చేసే విధానం:
1. ముందుగా నూనె వేడిచేసి సన్నగా తరిగిన ఉల్లిపాయముక్కలు, పచ్చిమిర్చి, కరివేపాకు వేసి దోరగా వేయించాలి.
2. తర్వాత అల్లంవెల్లుల్లి ముద్ద వేసి వేగిన తరువాత టమాటా ముక్కలు వేసి వేయించాలి.
3. ఇప్పుడు చికెన్ వేసి కలిపి మూతపెట్టి సన్నని సెగపై ఉడికించాలి. కొంచెం ఉడికిన తరువాత పసుపు, కారం, ఉప్పు, వేసి కొంచెం నీరు పోయాలి.
4. చికెన్ మెత్తగా ఉడికిన తరువాత గరంమసాల పొడి, మిరియాలపొడి, కొత్తిమీర వేసి కలిపి బాగా ఫ్రై చెయ్యాలి. ఒక బౌల్ లోకి తీసుకుని కొత్తిమీర చల్లి ఉల్లి చక్రాలతో అలంకరించుకోవాలి. అంతే టమోటో పెప్పర్ చికెన్ గ్రేవీ రెడీ.