మునక్కాయ మటన్ గ్రేవీ

తయారుచేయు విధానం:
1. మటన్‌ ని శుభ్రంగా కడిగి కుక్కర్లో వేసి. కొద్దిగా కారం, ఉప్పు, గరంమసాలా కలిపి స్టౌ మీద పెట్టి రెండు విజిల్స్ వచ్చాక దింపేయాలి.
2. మునక్కాయల్ని చిన్న సైజు ముక్కలు కట్ చేసుకోవాలి. ఉల్లిపాయల్ని బాగా సన్నగా తరగాలి.
3. స్టౌ మీద మందపాటి గిన్నె పెట్టి సరిపడా నూనె పోసి బాగా వేడెక్కాక కరివేపాకు, ఉల్లిపాయముక్కలు, అల్లంవెల్లుల్లి ముద్ద, కొబ్బరి,చెక్కా లవంగం ముద్ద, వేసి వేగించాలి.
4. తరువాత ఉప్పు, కారం, పసుపు, గరంమసాలా వేసి కలపాలి. ఇందులో మునక్కాయ ముక్కలు, ఉడికించి పెట్టుకున్న మటన్ ముక్కలు కూడా వేసి కలిపి మూత పెట్టాలి.
5. రెండు నిమిషాల తరువాత కొద్దిగా నీళ్లు పోసి, టమోటో కట్ చేసి వేసి సన్నని మంటపై ఓ పదినిమిషాలు ఉడికించాలి. ముక్కలు మెత్తగా ఉడికిన తర్వాత కొత్తిమీర తురుము వేసి దింపేయాలి.