తక్కువ టైంలో తయారయ్యే ఆవాల అన్నం..దీన్ని టేస్ట్ ముందు ఏదైనా దిగదుడుపే..ఎలా చేసుకోవాలంటే

పండుగలప్పుడు సాధారణంగా మన తెలుగువాళ్లు ఇళ్లల్లో ఎక్కువగా చేసుకునేది పులిహోర. చింతపండుతో,నిమ్మకాయలతో ఇలా వెరైటీగా పులిహోరని తయారుచేస్తుంటారు. అయితే తమిళనాడులో ఆవాల అన్నంని ప్రసాదంగా తయారుచేస్తుంటారు. ఆవాల ఘాటు, కమ్మరి కొబ్బదనం తింటున్న కొద్దీ ఇంకా తినాలనిపించేలా చేస్తుంది ఈ ఆవాల అన్నం. వరలక్ష్మీ వత్రం రోజు ప్రసాదంగా ఎక్కువగా దీన్నే తయారుచేస్తుంటారు. దీన్ని ప్రసాదంగానే కాకుండా ఎప్పుడు కావాలంటే అప్పుడు చేసుకొని తినొచ్చు. ఈ వంటకంలో వాడే పదార్థాలన్నీ ఆరోగ్యానికి బోలెడు ప్రయోజనాలు అందించేవే. ఇంట్లో సులభంగా ఆవాల అన్నం ఎలా తయారుచేసుకోవాలో ఇక్కడ చూడండి.

ఆవాల అన్నం తయారీకి కావాల్సిన పదార్థాలు

-పచ్చి కొబ్బరి
-ఆవాలు
-పసుపు
-ఉప్పు
-అన్నం
-పచ్చి శెనగపప్పు
-మినపప్పు
-కరివేపాకు
-ఎండుమిరపకాయలు
-ఆయిల్
-నెయ్యి

ఆవాల అన్నం తయారీ విధానం

-ముందుగా స్టవ్ మీద ఓ కుక్కర్ పెట్టి అందులో 1కప్పు(180 గ్రాములు) కడిగిన బియ్యం వేయండి. ఇందులోనే 1 టీస్పూన్ నూనె,కొద్దిగా ఉప్పు,2 కప్పులు నీళ్లు పోసి మూతపెట్టి రెండు విజిల్స్ పెద్ద మంట మీద 1 విజిల్ తక్కువ మంట మీద రానివ్వండి.

-స్టీమ్ అంతా పోయేదాకా ఆగి మూత తియ్యాలి. అన్నం పొడి పొడిగా ఉండాలని గుర్తుపెట్టుకోండి. ఒకసారి గరిటతో అటు ఇటు కదపండి.

-తర్వాత మిక్సీ గిన్నెలో 10 ఎండుమిరపకాయలు, 1 టేబుల్ స్పూన్ ఆవాలు, కొద్దిగా ఉప్పు,అర టీస్పూస్ పసుపు,అరకప్పు పచ్చి కొబ్బరి ముక్కలు వేసి మెత్తని పేస్ట్ లా గ్రైండ్ చేసుకోండి.

-తర్వాత స్టవ్ మీద బాండీ పెట్టి అందులో పావుకప్పు ఆయిల్ వేడి చేసి 1 టేబుల్ పచ్చి శెనగపప్పు, 1 టీస్పూన్ పొట్టు మినపప్పు వేసి వేయించాక 1 రెబ్బ కరివేపాకు వేసి వేయించి ఇప్పుడు గ్రైండ్ చేసుకున్న పేస్ట్ కూడా ఇందులో వేసి నూనె పైకి తేలేంతవరకు బాగా కలుపుతూ వేయించాలి.

-వేగి ముద్దగా అయిన తర్వాత ఇందులో ఉడకించిన అన్నం వేసి బాగా కలపండి.

-దించేముందు 1 టేబుల్ స్పూన్ నెయ్యి అందులో వేసి కలిపి స్టవ్ ఆఫ్ చేసేయండి. అంతే ప్రసాదం ఆవాల అన్నం రెడీ.