రాయలసీమ పల్లెల స్పెషల్ బెండకాయ బజ్జీ..టేస్ట్ లో తిరుగుండదు అంతే..ఎలా చేసుకోవాలంటే..

రాయలసీమలోని చాలా పల్లెల్లో స్పెషల్ గా చేసే వంటకం బెండకాయ బజ్జీ. దీనిని కొందరు పుల్లకూర, ముద్దకూర అని కూడా అంటారు. తమిళనాడులో కూడా చాలా చోట్ల దీనిని బజ్జీ అని అంటారు. ఇది చాలా రుచికరంగా ఉండే కూర. టేస్ట్ చేశారంటే జన్మలో మర్చిపోలేరు. ముఖ్యంగా రాగి సంగటి లేదా జొన్న సంగటిలో ఇది కలుపుకుని తింటే తిరుగుండదు. రాయలసీమ పల్లెల స్పెషల్ బెండకాయ బజ్జీని మీరు కూడా మీ ఇంట్లో ఎలా చేసుకోవచ్చో ఇక్కడ చూడండి.

రాయలసీమ స్పెషల్ బెండకాయ బజ్జీ తయారీకి కావలసిన పదార్థాలు

-బెండకాయలు
-ఉల్లిపాయ
-పుల్లటి నాటు టమాటోలు
-పుసుపు
-కల్లు ఉప్పు
-చింతపండు
-పచ్చిమిర్చి
-ఎండుమిర్చి
-ఆవాలు
-కరివేపాకు

బెండకాయ బజ్జీ తయారీ విధానం

-ముందుగా 300 గ్రాముల బెండకాయలను శుభ్రంగా కడిగి కట్ చేశాక ఆరబెట్టాలి.

-తర్వాత స్టవ్ మీద ఓ గిన్నె లేదా బాండీ పెట్టి అందులో 3 టేబుల్ స్పూన్ల ఆయిల్ పోసి వేడి చెయ్యాలి.

-ఆయిల్ వేడెక్కిన తర్వాత అందులో 10 వెల్లుల్లి వేసి వేగనివ్వాలి. వెల్లుల్లి రంగు మారుతున్న సమయంలో ఇందులో రెండు ఉల్లిపాయల పెద్ద ముక్కలు వేసి 1నిమిషం వేపితే చాలు.

-తర్వాత అందులో రెండు పుల్లటి నాటు టమాటోల ముక్కలు, కొద్దిగా పసుపు, కల్లు ఉప్పు వేసి 3-4నిమిషాలు వేపుకున్నాక ఇందులో తుడిచి ఆరబెట్టిన బెండకాయ ముక్కలను వేసి మూతపెట్టి హై ఫ్లేమ్ మీద బెండకాయల్లో నుంచి జిగురు తగ్గేదాకా వేపుకోవాలి. దీనికి 3-4 నిమిషాలు పడుతుంది.

కూరగాయలే అవసరం లేని రాయలసీమ స్పెషల్ ఎండుమిర్చి పప్పు..నాకి నాకి తింటారు, ఎలా చేసుకోవాలో చూడండి

-తర్వాత అందులో 8 కారం కలిగిన పచ్చిమిర్చి ముక్కలు, 50 గ్రాముల చింతపండు వేసి కలిపి రెండు నిమిషాలు వేగనివ్వాలి.

-తర్వాత అందులో 300 ml నీళ్లు పోసి మూతపెట్టి గుజ్జుగా అయ్యేదాకా ఉడకనివ్వాలి.

-బెండకాయ మెత్తగా ఉడికిన తర్వాత స్టవ్ మీద నుంచి పప్పు గుత్తితో దానిని సాధ్యమైనంత మేరకు గుజ్జుగా ఇనుపుకోండి. ఇనిపేటప్పుడు అది కాస్త నీరు నీరులానే ఉండాలని గుర్తుంచుకోండి.

-తర్వాత తాళింపు కోసం స్టవ్ మీద బాండీ పెట్టి రెండు టేబుల్ స్పూన్ల ఆయిల్ వేడి చేసి అందులో అర టీస్పూన్ ఆవాలు, 4 ఎండుమిర్చి, 2 రెబ్బల కరివేపాకు వేసి కలిపి వేగాక ఈ తాళింపుని బెండకాయ గుజ్జులో వేసి కలిపేయండి. అంతే బెండకాయ బజ్జి లేదా బెండకాయ పుల్లకూర రెడీ.