మాన్ సూన్ స్పెషల్ దహీ కబాబ్

Snacks

oi-Saraswathi

By Sindhu

Published: Monday, July 2, 2012, 9:19 [IST]

కబాబ్ అంటే మనకు ముందుగా గుర్తు వచ్చేది చికెన్, మటన్ తో చేసేవి. అయితే ఇప్పుడు, ఫిష్ కబాబ్, ప్రాన్స్ కబాబ్, వెజ్ కబాబ్ అంటూ రకరకాలుగా కబాబులు రెడీ అయిపోతున్నాయి. మాంసాహార రుచులలో కబాబ్ లకు చాలా డిమాండ్ పెరుగుతోంది. మరి ఇప్పుడు కబాబ్ ల హవా నడుస్తుందో కాబట్టి ఈ వెరైటీ కబాబ్ రుచి చూడాలంటే మీరూ ప్రయత్నించి చూడండి...

కావలసిన పదార్థాలు:
గట్టి పెరుగు(ఒక పలుచని వస్త్రంలో పెరుగు వేసి వడకట్టి, నీరు తీసేసినది): 2cups
పచ్చిమిర్చి తరుగు: 3tbsp
గసగసాలు: 2tbsp
నెయ్యి: వేయించడానికి తగినంత
చాట్ మసాల: 1tsp
ఎండిన ఆప్రికాట్: 5
బ్రెడ్ స్లైస్: 2(చివరలు తీసేసినవి)
వేయించిన శనగల పొడి: 2tsp

తయారు చేయు విధానం:
1. ముందుగా ఆప్రికాట్స్ ను గంటసేపు నీటిలో నానబెట్టాలి. తర్వాత దానిలోని గింజ తీసేపి పక్కన పెట్టుకోవాలి.
2. తర్వాత గసగసాలను నీటిలో అరగంట నానబెట్టి, నీళ్లన్నీ పోయేలా వడగట్టుకోవాలి.
3. ఇప్పుడు ఒక బౌల్ల్ లో పెరుగు, చాట్ మసాలా, ఉప్పు, నల్ల ఉప్పు, పచ్చిమిర్చి, శనగల పొడి బ్రెడ్ స్లైసులను వేసి బాగా కలపాలి.
4. ఈ మిశ్రమాన్ని కొద్దికొద్దిగా తీసుకొని, గింజ తీసేసిన ఆప్రికాట్ లో నింపి పట్టీస్ ను తయారు చేయాలి.
5. ఇప్పుడు పాన్ లో నూనె కాగిన తర్వాత, తయారు చేసి పెట్టుకొన్నపట్టీస్ ను గసగసాలో అద్ది, కాగిన నూనెలో వేసి రెండు వైపులా వేయించి తీసి పక్కన పెట్టుకోవాలి.
6. అంతే రుచికరమైన కరకరలాడే దహీ కబాబ్ రెడీ. దీన్ని పుదీనా చట్నీతో వేడి వేడిగా సర్వ్ చేయాలి.