దీపావళి స్పెషల్ - గుల్కన్ గులాబ్‌ జామ్

Published: Thursday, October 20, 2011, 13:57 [IST]

పండుగలన్నింట్లో అందరినీ అలరించేది దీపావళి. రోజుకన్నా ప్రత్యేకత సంతరించుకున్న రోజు పండుగరోజు. కొత్త బట్టలు, విందు భోజనాలు, మదిలో విరిసే ఆనందం పండగ ప్రత్యేకతలు. భారతీయ ఆధ్యాత్మికాచారాలలో పండుగలకున్న ప్రాధాన్యత ప్రత్యేకమైనది. పండుగను అభిమానించని భారతీయుడు ఉండడు. ప్రత్యేకంగా పండుగను చేసుకోని నాస్తికులు సైతం పండుగ దినాలను మాత్రం ఖచ్చితంగా సంతోషంగా అనుభవించే తీరతారు. ఇంక వారం కూడా లేదు దీపావళి. మరి ఈ దీపావళికి మీ ఇంట్లో ఏయే పిండి వంటలు చేస్తున్నారు? 'ఆ పనిలోనే ఉన్నాం..' అంటారా.. అయితే ఇంకేం.. మీ కోసం ఇక్కడ ఒక ప్రత్యేకమైన వంట ముందుగానే ......ఈ దీపావళికి ట్రై చేయండి....

కావలసిన పదార్థాలు:
కోవా లేదా గుల్కన్: 1cup
పాలు: 1cup
పంచదార: 2cups
గులాబ్‌ జామ్ పౌడర్: 200grm
జీడిపప్పు: 50grms
బాదం పప్పు: 50grsm
పాకానికి పంచదార: 1/2kg
నెయ్యి: 1/2cup(వేగించడానికి),
యాలకుల పొడి: 1tsp

తయారు చేయు విధానం:
1. ఒక పాన్ స్టవ్‌పై ఉంచి, కొద్దిగా నెయ్యి వేసి ముందుగా అందులో జీడిపప్పు, బాదంపప్పు ముక్కలు వేసి వేగించాలి.
2. తరువాత మరో పాత్ర స్టవ్‌ పై ఉంచి అందులో కొద్దిగా నీళ్లు, పంచదార వేసి లేత పాకం వచ్చే వరకు గరిటెతో కలుపుతూ ఉండాలి. సువాసన కోసం ఈ పాకంలో యాలకుల పొడిగాని, రోజ్ వాటర్‌ గాని కలుపుకోవచ్చు.
3. తర్వాత గులాబ్‌జామ్ పౌడర్‌లో పాలు పోసి ఉండలు చేసుకునేందుకు వీలుగా పిండిని కలిపి అయిదు నిమిషాల పాటు నాననివ్వాలి.
4. తర్వాత చిన్న చిన్న ఉండలు చేసి పక్కన ఉంచుకోవాలి. ఇప్పుడు అందులో గులాబ్‌ జామ్ పిండిని కొద్దిగా చేతిలోకి తీసుకుని చిన్న పూరీలా ఒత్తి అందులో గుల్కన్ లేదా కోవా ఉంచి అంచులు కలిపేసి ఉండగా చేసుకోవాలి.
5. ఇలా తయారైన ఉండలను చిన్న మంటపై ముదురు రంగు వచ్చేంత వరకు నేతిలో వేగించి తీసి ముందుగా తయారు చేసి పెట్టుకొన్న పంచదార పాకంలో వేయాలి.
6. బాదం, జీడిపప్పులను గార్నిష్ గా అలంకరించి సర్వ్ చేయాలి అంతే గుల్కన్ గులాబ్ జామ్ రెడీ.