వేసవిలో పర్ఫెక్ట్ కూర ఇదే.. దీనితో అన్నం తింటే కంచం మొత్తం ఖాళీ చేసేస్తారు, ఎలా చేసుకోవాలంటే?

సొరకాయ కూర అంటే చాలా మందికి ఇష్టం ఉండకపోవచ్చు. ఇది రుచిగా ఉండదని, దీనిని తినలేమని చాలా మంది భావిస్తుంటారు. కానీ ఈ సొరకాయతో కూడా చాలా మంచి మంచి వంటకాలు కూడా వండుకోవచ్చు. ఆ వంటకాల్లో అత్యంత ఫేమస్, చాలా రుచిగా ఉండే వంటకం సొరకాయ పచ్చి కారం కూడా ఒకటి. ఒక సీక్రెట్ పదార్థంతో చేసిన ఈ వంట చాలా అద్భుతంగా ఉంటుంది. కానీ దీనిని చేసుకోవడం కూడా చాలా మందికి తెలియదు. అందుకే ఈ స్టోరీలో సొరకాయ పచ్చికారం ఎలా చేసుకోవాలి? దానికి కావాల్సిన పదార్థాలు ఏంటి? ఏ విధమైన పద్దతిలో చేసుకుంటే రుచికరంగా ఉంటుందో విమరించాము. చదివి మీరు కూడా అలానే ప్రయత్నించండి.

సొరకాయ పచ్చికారం తయారీకి కావాల్సిన పదార్థాలు:

సొరకాయ - 1 (చిన్న ముక్కలుగా కట్ చేయాలి)
పచ్చిమిర్చి - 10
వెల్లుల్లి రెబ్బలు - 5 (పొట్టు తీసినవి)
అల్లం ముక్క - 1 (చిన్నదిగా)
పచ్చిశనగపప్పు - 1 టేబుల్ స్పూన్
మినప్పప్పు - 1 టేబుల్ స్పూన్
ఆవాలు - ½ టీ స్పూన్
జీలకర్ర - ½ టీ స్పూన్
కరివేపాకు - కొన్ని
పసుపు - ½ టీ స్పూన్
ఉప్పు - రుచికి సరిపడా
నూనె - 2 టేబుల్ స్పూన్లు
పచ్చికొబ్బరి ముక్కలు - ¼ కప్పు (తురుము కోసం)

సొరకాయ పచ్చికారం తయారీ విధానం:

సొరకాయను శుభ్రంగా కడిగి చిన్న ముక్కలుగా కట్ చేయండి. పక్కన పెట్టండి. ఇప్పుడు మిక్సీలో పచ్చిమిర్చి, వెల్లుల్లి, అల్లం కలిపి మెత్తగా గ్రైండ్ చేయండి. ఈ పేస్ట్‌ ఒక బౌల్‌లో పెట్టి పక్కన ఉంచండి.

ఇప్పుడు ఒక పాన్‌లో నూనె వేసి వేడయ్యాక శనగపప్పు, మినప్పప్పు, ఆవాలు, జీలకర్ర వేసి మోస్తరు మంటపై వేయించండి. తరువాత కరివేపాకు వేసి సువాసన వచ్చేలా ఫ్రై చేయండి. ఇప్పుడు పచ్చిమిర్చి పేస్ట్‌ను వేసి, 2 నిమిషాలు మెల్లగా కలిపుతూ ఉండాలి. ఆ తరువాత చిన్న చిన్న ముక్కలుగా కట్ చేసిన సొరకాయ ముక్కలు వేసి, పసుపు, ఉప్పు జత చేయండి. నీరు వేయకుండానే మూత పెట్టి మధ్య మధ్యలో కలుపుతూ ఉడికించుకోవాలి. అవసరమైతే కాస్త నీరు (½ కప్పు వరకు) పోయవచ్చు.

పాతకాలం నాటి వంట ఇది.. వంకాయ ఉల్లికారం,తింటే కంచం మొత్తం ఊడ్చేస్తారు, ఎలా చేసుకోవాలంటే?

ఇప్పుడు పచ్చికొబ్బరి ముక్కలు మిక్సీలో వేసి మెత్తగా గ్రైండ్ చేయండి. ఆ తరువాత సొరకాయ మిశ్రమంలో వేసుకొని కలుపుకోవాలి. ఇప్పుడు పాన్‌లో వేసి బాగా కలిపి 2 నిమిషాలు లో ఫ్లేమ్‌పై ఉడికించండి. అంతే ఎంతో రుచికరమైన సొరకాయ పచ్చికారం సిద్ధమైనట్లే. ఆ తరువాత స్టవ్ ఆఫ్ చేసి వెనక నిమిషంలో దించండి. వేడి వేడి అన్నం లేదా చపాతీతో ఈ సొరకాయ పచ్చికారం వడ్డించుకోవాల్సిందే.

మరిన్ని చిట్కాలు:

ఈ కూర ప్రత్యేకత పచ్చి కొబ్బరి తురుము వల్ల వస్తుంది. ఇది ఆ కూరకు టెక్స్చర్ ఇవ్వడమే కాకుండా, మసాలా బాగా కలవడంలో సహాయపడుతుంది. కొబ్బరి లేకపోతే కూడా వేరుశెనగ పేస్ట్‌తో ట్రై చేయవచ్చు. తేడా రుచిలో ఉంటుంది కానీ వంట ప్రత్యేకతలో కాదు. మీరు కిచెన్‌లో కొత్త రుచులను ప్రాప్తి చేయాలనుకుంటే.. ఈ సొరకాయ పచ్చికారం తప్పక ట్రై చేయండి. ఇది ఆరోగ్యకరంగా ఉండడమే కాకుండా, కొత్తదనం కోరేవారికి పర్ఫెక్ట్ రిసిపీ.