నోట్లో వెన్నలా కరిగిపోయే టమాటో పరాటా..ఆయిల్ కూడా అక్కర్లేదు..ఎలా చేసుకోవాలంటే

మీరెప్పుడనా టమాటో పరాటా తిన్నారా?రెగ్యులర్ గా తినే చపాతీలు, పరాటాలకు బదులు ఇది ఓ సారి ట్రై చేయండి. టమాటో పరాటా చాలా రుచికరంగా ఉండటమే కాకుండా ఆరోగ్యానికి కూడా బోలెడు మేలు చేస్తుంది. పొద్దున్నే బ్రేక్‌ఫాస్ట్‌ లోకి లేదా మధ్యాహ్న భోజనానికి ఇది ఒక మంచి ఎంపిక. టమాటాలు, గోధుమ పిండిని ఉపయోగించి తయారుచేసే ఈ పరాటాలు పోషకాలతో నిండి ఉంటాయి. వీటిని తయారుచేయడం కూడా చాలా సులభం. టమాటో పరాటాని మీ ఇంట్లోనే తయారుచేసుకోడానికి కావాల్సిన పదార్థాలు,తయారీ విధానం ఇక్కడ చూడండి.

టమాటో పరాటా తయారీకి కావాల్సిన పదార్థాలు
-వెల్లుల్లి
-అల్లం
-పచ్చిమిరపకాయ
-సోంపు
-టమాటో
-గోధుమ పిండి
-వాము
-కొత్తిమీర

టమాటో పరాటా తయారీ విధానం

-ముందుగా మిక్సీలో 2 టమాటోల పెద్ద ముక్కలు,2 పచ్చి మిరపకాయల తురుము,అర ఇంచు అల్లం ముక్కలు, 5 వెల్లుల్లి రెబ్బలు, పావు టీస్పూన్ సోంపు వేసి నీళ్లు పోయకుండానే మెత్తని పేస్ట్ లా గ్రైండ్ చేసుకోవాలి.

-మెత్తగా పేస్ట్ చేసిన టమాటో మిశ్రమాన్ని ఓ ప్లేట్ లోకి తీసుకొని ఇందులో కొంచెం కొత్తిమీర తరుగు, రుచికి సరిపడా ఉప్పు, రెండు చిటికెళ్ల వాము నలిపి వేసి మొత్తం కలిసేలా కలుపుకోండి.

-ఇప్పుడు టమాటో మిశ్రమంలో ఒకటిన్నర కప్పుల గోధుమ పిండి వేసి 4-5 నిమిషాలు బాగా వత్తుకోవాలి. ఇందులో 1 టీస్పూన్ నూనె కూడా వేసి బాగా వత్తుకోండి. తర్వాత తడిగుడ్డ కప్పి 10 నిమిషాలు వదిలేయండి.

-తర్వాత ఈ పిండి ముద్ద మీద కొంచెం పొడి పిండి చల్లుకోండి. ఇప్పుడు కలిపిన పిండిని కొంచెం కొంచెంగా చేతుల్లోకి తీసుకొని పారాటాలుగా వత్తుకోండి.

-ఇప్పుడు స్టవ్ ఆన్ చేసి పెనం పెట్టండి. పెనం బాగా వేడెక్కిన తర్వాత దానిమీద వత్తుకున్న పరాటాలను ఒక్కొక్కటిగా వేసి 1 టీస్పూన్ ఆయిల్ వేస్తూ రెండు వైపులా బాగా కాల్చుకోవాలి. అంటే టమాటో పరాటా రెడీ. దీంట్లో నంజుకొని తినడానికి ఏ కూర కూడా అక్కర్లేదు. పెరుగుతో కలిపి తిన్నా అద్భుతంగా ఉంటుంది.