బూరెల్లాంటి మంగళూరు స్పెషల్ బన్స్..మళ్లీ మళ్లీ తినాలనిపించే టేస్ట్ ఉంటది..ఎలా చేసుకోవాలంటే

మంగళూరు బన్స్ అంటే గోధుమ పిండి పూరీలే. అయితే ఇవి మామూలు పూరీలే కదా అనుకుంటే పప్పులో కాలేసినట్లే...రుచి,రూపం,రంగులో కూడా ఇవి ప్రత్యేకంగా ఉంటాయి. బూరెల్లాగా ఉబ్బి ఉంటాయి. కమ్మగా,చాలా రుచిగా ఉంటాయి. ఎప్పుడూ తినే పూరీలను వదిలి ఓ సారి ఈ మంగళూరు బన్స్ ట్రై చేయండి. దీనిని తయారుచేయడం కూడా చాలా ఈజీ. మంగళూరు బన్స్ ని మీ ఇంట్లోనే ఈజీగా తయారుచేసుకోడానికి కావాల్సిన పదార్థాలు,తయారీ విధానం ఇక్కడ చూడండి.

మంగళూరు బన్స్ తయారీకి కావాల్సిన పదార్థాలు
-అరటిపండ్లు
-చక్కెర
-వంటసోడా
-గోధుమ పిండి
-జీలకర్ర
-ఆయిల్
-ఉప్పు

మంగళూరు బన్స్ తయారీ విధానం

-ముందుగా ఓ ప్లేట్ లోకి 3 మాగిన అరటిపండ్ల ముక్కలను వేసి వాటిని పప్పు గుత్తితో లేదా దేంతో అయినా మాష్ చేసుకోండి.

-తర్వాత అందులో పావు టీస్పూన్ వంట సోడా,రుచికి సరిపడా ఉప్పు, 1 టేబుల్ స్పూన్ చక్కెర వేసి మొత్తం కలిసేలా బాగా కలపండి.

-ఇప్పుడు అందులో 1 కప్పు గోధుమ పిండి వేసి దగ్గరగా చిక్కగా కలుపుకోవాలి. పూరీ పిండి మాదిరి ఉండాలి.

-తర్వాత అందులో పావు టీస్పూన్ జీలకర్ర, 1 టేబుల్ స్పూన్ ఆయిల్ ఇంకో కప్పు పైనే గోధుమ పిండి వేసి పిండిని బాగా వత్తుకోండి.

-ఈ వత్తుకున్న పిండిపైన కొద్దిగా ఆయిల్ వేసి కనీసం 2-3 గంటలు ఊరనివ్వాలి.

Ragi Chapati: పోషకమైన రాగి చపాతీలు..చాలా మెత్తగా సూపర్ టేస్టీగా ఉంటాయి..ఎలా చేసుకోవాలంటే

-తర్వాత ఈ పిండిని నిమ్మకాయంత ముద్దలుగా తీసుకొని దానిని పూరీ కర్రతో వత్తుకోవాలి. పూరీ మాదిరి పల్చగా కాకుండా కాస్త మందంగా వత్తుకోవాలి.

-తర్వాత స్టవ్ మీద బాండీ పెట్టి అందులో వీటిని వేయించడారికి సరిపడా ఆయిల్ పోసి వేసి అందులో వత్తుకున్న ఈ బన్స్ ని వేయాలి. పొంగిన ఈ బన్ ని తిరగేసి నూనెను దానిమీదకు ఎగదోస్తూ ఉంటే ఎర్రగా కాలి మంచి రంగులోకి వస్తుంది. అంతే దీనిని బాండీలో నుంచి తీసివేస్తే వేడి వేడి మంగళూరు బన్స్ రెడీ.

-వీటిని మంచి స్పైసీ చట్నీ,సాంబార్ లేదా మీకు నచ్చిన సైడ్ డిష్ తో కలిపి ఆస్వాదించండి. రుచి జన్మలో మర్చిపోరు.