తీపి లస్సీ తయారీ విధానం ; పంజాబీ తీపి లస్సీ తయారు చేయటం ఎలా

ఈ స్వీటు లస్సీ రెసిపి పంజాబ్ లో పుట్టింది. ఉత్తరభారతంలో ఇది ప్రసిద్ధ పానీయం. వేసవిలో ఎంతో డిమాండ్ ఉండే ఈ పానీయం దానిలో ఉండే పెరుగు వల్ల చల్లచల్లగా హాయిగా ఉంటుంది.

పంజాబీ తీపి లస్సీ పెరుగు, చక్కెర వంటి ముఖ్యపదార్థాలతో పాటు, రోజ్ వాటర్, ఏలకుల పొడి, డ్రై ఫ్రూట్లను కూడా కలిగి ఉండే శీతల పానీయం. ఇది తేలికగా ఉండి, ప్రతి భోజనం తర్వాత తీసుకుంటారు. ప్రత్యామ్నాయంగా మీగడ లేదా క్రీమును దీనికి కలిపి కొంచెం గాఢమైన ఘనపానీయంగా కూడా మార్చవచ్చు.

ఇది చేయటం చాలా సులువు మరియు దీని తయారీ విధానం కూడా అస్సలు శ్రమ కలిగించనటువంటిది. మీ ఇంట్లో దీన్ని తయారుచేయటానికి కింద ఇచ్చిన తయారీ విధానాన్ని చిత్రాలు, వీడియో సాయంతో నేర్చుకోండి.

తీపి లస్సీ రెసిపి వీడియో

స్టెప్ బై స్టెప్ - తీపి లస్సీ తయారీ ఎలా

1. గట్టి పెరుగును ఒక గిన్నెలో పోయండి

2. చల్లటి పాలు, చల్లని నీరు కూడా పోసి ఉండలు కట్టకుండా బాగా కలపండి.

3. తర్వాత చక్కెర, ఏలకుల పొడి, రోజ్ వాటర్ వేయండి.

4. ఐస్ క్యూబ్స్ వేసి బాగా కలపండి.

5. అంతటిని మిక్సీ జార్ లో పోయండి.

6. మిక్సీలో బాగా తిప్పండి.

7. వడ్డించే గ్లాసులలో పోయండి.

8. తరిగిన బాదం, పిస్తా, కుంకుమపువ్వు రేకులతో అలంకరించండి.