పాత కాలంలో ఉక్కులాంటి మనుషులు తిన్న ఆహారం ఇదే..కోటి రూపాయలు పెట్టినా ఇప్పుడు దొరకట్లేదు,ఎలా చేయాలంటే

పూర్వం జనాలు చాలా స్ట్రాంగ్ గా ఉండేవాళ్లు..ఎన్ని గంటలు అయినా అలుపు లేకుండా పొలం పనులు చేసేటోళ్లు అని మనం వింటుంటాం. అయితే ఆ శక్తంతా వారికి వారు తినే ఫుడ్ నుంచే వచ్చిందని చెబుతుంటారు. అంత స్ట్రాంగ్ గా, ఫుల్ యాక్టివ్ గా ఉండటానికి వారు తిన్న ఫుడ్స్ లో శెనగల పటోలి కూడా ఒకటి. అనేక ఆరోగ్య ప్రయోజనాలను అందించే శెనగల పటోలీని మీరు కూడా మీ ఇంట్లో ట్రై చేయాలనుకుంటున్నారా? అయితే ఈ హెల్తీ రెసిపి తయారీకి కావాల్సిన పదార్థాలు, తయారీ విధానం ఇక్కడ చూడండి.

శెనగల పటోలీ తయారీకి కావాల్సిన పదార్థాలు

శెనగలు-100 గ్రాములు
పచ్చిమిర్చి- 2-3
పసుపు- 1/4 టేబుల్ స్పూన్
ఉప్పు- తగినంత
కరివేపాకు- 2 రెబ్బలు
ఎండుమిర్చి-2
ఉల్లిపాయ-1 పెద్దది
జీలకర్ర-1/4 టేబుల్ స్పూన్
ఆవాలు-1/4 టేబుల్ స్పూన్
మినపప్పు-1/4 టేబుల్ స్పూన్

శెనగల పటోలీ తయారీ విధానం

-శెనగల పటోలీ తయారుచేయడానికి ముందుగా రాత్రంతా శెనగలను నానబెట్టాలి.

-రాత్రంతా నానబెట్టిన శెనగలను మిక్సీలో వేసి కచ్చాపచ్చాగా గ్రైండ్ చేసుకోండి.

-తర్వాత స్టవ్ మీద పాన్ పెట్టి కొద్దిగా ఆయిల్ వేసి మినపప్పు,ఆవాలు,జీలకర్ర,ఎండుమిరపకాయలు వేసి కొద్దిగా వేగిన తర్వాత ఇందులోనే ఉల్లిపాయ ముక్కలు కూడా వేసి వేగిన తర్వాత కరివేపాకు, పచ్చిమిర్చి వేసి వేయించుకోండి.

-తర్వాత ఇందులో ఉప్పు, పసుపు, కారం వేసి బాగా మగ్గిన తర్వాత గ్రైండ్ చేసిన శెనగల మిశ్రమాన్ని ఇందులో వేసి కలపి మూతపెట్టి మీడియం ఫ్లేమ్ మీద ఉడికించుకోండి.

-బాగా ఉడికిన తర్వాత కొద్దిగా కొత్తిమీర చల్లుకొని దించేయండి. అంతే శెనగల పాటోలి రెడీ.