ఫ్రెంచ్ బీన్స్-క్యారెట్ పాటోళీ-ఆంధ్ర ట్రెడిషినల్ రిసిపి

Veg

oi-Saraswathi

By Sindhu

Published: Thursday, March 1, 2012, 12:42 [IST]

కావలసిన పదార్ధాలు:
ఫ్రెంచ్ బీన్స్: 1cup(సన్నగా చిన్నగా తరిగినవి)
క్యారెట్: 1cup(సన్నగా చిన్నగా తరిగినవి)
ఉల్లిపాయ: 1(సన్నగా చిన్నగా తరిగినవి)
శనగపప్పు: 1cup
పచ్చిమిర్చి: 4-6
అల్లం ముక్క: చిన్నది
జీలకర్ర: 1tsp
కరివేపాకు: రెండు రెమ్మలు
కొత్తిమీరతురుము: కొద్దిగా
ఉప్పు: రుచికి సరిపడా
కారం: 1tsp
పసుపు: చిటికెడు
ఇంగువ: చిటికెడు
నూనె: కావలసినంత
గరంమసా: 1tsp
పోపుదినుసులు: 1tbsp

తయారు చేసే విధానం:

1. మొదటగా బీన్స్, కారట్ సన్నగా తరిగి ఉడికించి పక్కన పెట్టుకోవాలి.
2. తర్వాత శనగపప్పు నానబెట్టుకోవాలి. ఇందులో అల్లం, మిర్చి, జీలకర్ర వేసి కచపచ గ్రైండ్ చేసుకోవాలి.
3. ఇప్పుడు నూనె వేడిచేసి పోపుదినుసులు వేసి వేగాక, ఉల్లిపాయముక్కలువేయాలి వేయించాలి. తర్వాత శనగపప్పు పేస్ట్ వేసి వేయించాలి. కొంచెం పొడయ్యాక అందులో తరిగి ఉడికించిన బీన్స్, క్యారెట్ వేయాలి.
4. తర్వాత ఉప్పు, పసుపు, కారం, ఇంగువ వేసి కలిపి సిమ్ లో కూర పొడిగా అయ్యేవరకు వేయించి చివరగా కొత్తిమీర, మసాలాపొడి చల్లి కలపాలి. వేడి వేడి అన్నంలో ఈ కూరతో నెయ్యి వేసుకుని తింటే చాలా రుచిగా ఉంటుంది. బీన్స్, క్యారెట్ బదులు గోరుచిక్కుళ్ళతో కూడా ఈ కూర చేసుకోవచ్చు. లేదా మెంతికూర, కాబేజ్ ఇలాంటివి వేసి కూడా చెయ్యొచ్చు. రైస్ లోకి, చపాతీలోకి వెరైటీగా బావుంటుంది.