యెరయెప్ప రెసిపి ; తీయని దోశను తయారుచేయటం ఎలా

యెరయెప్ప కర్ణాటక రకపు సాంప్రదాయ తీపి వంటకం. ఇది ఉడుపి నుంచి వచ్చింది. దీన్ని తీపి దోశ అని కూడా అంటారు మరియు దీన్ని నానబెట్టిన బియ్యం, కొబ్బరి ఇంకా బెల్లం పాకం కలిపి తయారుచేస్తారు. ఈ పిండిని దోశల్లా వేసుకుంటారు.

తియ్యగా ఉండటం వలన యెరయెప్ప పిల్లలకి చిరుతిండిలా పనికొస్తుంది. పాన్ కేక్ కి దక్షిణభారత రూపం ఇది. నేరుగానే తినేయచ్చు లేదా తేనె, మేపల్ సిరప్ తో కలిపి తినవచ్చు. యెరయెప్పను నూనెలో వేయించుకుని కూడా తినవచ్చు. ఇక్కడ మేము పాన్ కేక్ స్టైల్ దోశల్లాగా ఆరోగ్యకరంగా తయారుచేసాం.

తీపి దోశ లేదా వెల్లం దోశ చాలా సులభమైన చిన్న రెసిపి. బియ్యం నానితే, ఇది చిటికెలో చేసేసుకోవచ్చు. మీకు వంటగదిలో పెద్ద సమయం కూడా పట్టదు. ఇంకా పిల్లలకి కూడా చాలా నచ్చుతుంది. దీన్ని మీరు కూడా ఇంట్లో ప్రయత్నించాలనుకుంటే, చిత్రాలు, వీడియోతో కూడిన కింద తయారీ విధానం చదవండి.

తయారీవిధానం

1. గిన్నెలో బియ్యాన్ని తీసుకుని ముప్పావు కప్పు నీళ్లను పోయండి.

2. రాత్రంతా బియ్యాన్ని నానబెట్టి అదనంగా ఉన్న నీరును తీసేయండి.

3. నానబెట్టిన బియ్యాన్ని మిక్సీ జార్ లో వేయండి.

4. తురిమిన కొబ్బరిని కూడా వేసి మెత్తని పేస్ట్ లా రుబ్బండి.

5. ఇంకో గిన్నెలోకి అది తీసుకోండి.

6. వేడిచేసిన పెనంలో బెల్లం వేయండి.

7. వెనువెంటనే పావు కప్పు నీరు పోయండి.

8. బెల్లాన్ని కరగనిచ్చి పాకాన్ని మరగనివ్వండి.

9. ఈ బెల్లంపాకాన్ని మిశ్రమం ఉన్న గిన్నెలోకి మార్చండి.

10. ఏలకుల పొడిని వేసి, మెత్తని పిండిలా బాగా కలపండి.

11. పావుచెంచా నెయ్యిని వేడి పెనంలో వేయండి.

12. ఈ పిండిని వేసి గుండ్రంగా దోశ మాదిరి నెరపండి.

13. కింద కొంచెం గోధుమ రంగులోకి వేగగానే వెనక్కి తిప్పు ఇంకోవైపు వేయించండి.

14. అయిపోగానే, స్టవ్ ఆపేసి వేడివేడిగా వడ్డించండి.