నాతో సరసాలాడి మరో అమ్మాయిని పెళ్లి చేసుకోమంది, అబ్బాయిలు ఈజీగా ప్రేమలో పడరు, ఈజీగా మరిచిపోలేరు

ఎలాగైనా ఒప్పించమంది

సిటిలో కొన్ని రోజులు పని ఉందమ్మా అంత వరకు నేను ఇక్కడే ఉంటాను అన్నాడు. ఆ తర్వాత ఆ అమ్మాయి నన్ను వాళ్ల నాన్నతో మా ప్రేమ విషయం గురించి మాట్లాడమంది. ఎలాగైనా ఒప్పించమంది. అంతకు ముందు నేను తనకు ఏవేవో వాగ్దానాలు ఇచ్చాను.

భయం వేసింది

కానీ వాళ్ల నాన్నకు మా ప్రేమ విషయం చెప్పాలంటే నాకు చాలా భయం వేసింది. అతను సిటీలో ఉన్నన్నీ రోజులు భోజనం మొత్తం మా ఇంట్లో నుంచే పంపించేవాళ్లం. మా అమ్మనాన్నలతో కూడా చాలా మర్యాదగా మాట్లాడేవారు.

చివరకు ఒక రోజు ధైర్యం చేసి

మా కుటుంబంపై ఆయనకు గౌరవం పెరిగింది. కానీ నా ప్రేమ విషయాన్నిఆయనతో చెప్పి మా ఫ్యామిలీ గౌరవాన్ని ఎక్కడ పోగొడుతాననో నాకు భయం వేసింది. అందుకే చాలా రోజుల వరకు ఆయనకు ఆ విషయం చెప్పలేదు. ఇక చివరకు ఒక రోజు ధైర్యం చేసి ఆయనకు అసలు విషయం చెప్పాను.

ప్రేమించుకుంటున్నాం

అంకుల్ నేను మీ కూతురు ప్రేమించుకుంటున్నాం. ఇద్దరం పెళ్లి చేసుకోవాలనకుంటున్నాం అని చెప్పాను. దాంతో ఆయన మండిపడ్డాడు. నన్నునోటికొచ్చినట్లు తిట్టాడు. మా అమ్మాయిని బుట్టలో వేసుకుని మా ఆస్తి మొత్తం కాజేయాలనుకుంటున్నారా అన్నాడు. తర్వాత మా అమ్మనాన్నలకు వార్నింగ్ ఇచ్చి తన కూతుర్ని తీసుకుని వెళ్లిపోయాడు.

చాలా ప్రయత్నించినా

మొదట ఆ అమ్మాయి మీ ఇంట్లో వాళ్లు మన ప్రేమకు ఒప్పుకుంటారా లేదోనని భయంవేస్తుందంది. చివరకు వాళ్ల ఇంట్లో వాళ్లను ఒప్పించడం నాకు సవాల్ గా మారింది. తర్వాత చాలా ప్రయత్నించాను. అయినా లాభం లేకపోయింది. ఆమెను ఎవరికి తెలియకుండా ఎక్కడో ఉంచారు. ఆమె అడ్రస్ తెలుసుకోవడానికి నేను చాలా ప్రయత్నించినా లాభం లేకపోయింది.

సంతోషంగా పలకరించింది

చాలా రోజుల తర్వాత మళ్లీ తను నాకు సిటీలో ఒక షాంపింగ్ కాంప్లెక్స్ లో కనిపించింది. ఎలా ఉన్నావ్‌ అన్నాను. తను ఎంతో సంతోషంగా పలకరించింది. కాళ్లవైపు చూశాను. మెట్టలున్నాయి. మీ ఆయన ఏం చేస్తుంటారన్నాను. సాఫ్ట్ వేర్ ఇంజనీర్ అంది. పిల్లలా అన్నాను. అవును ఇద్దరూ అంది.

ఆప్యాయంగా మాట్లాడుకున్నాం

అలా చాలా సేపు ఇద్దరం ఆప్యాయంగా మాట్లాడుకున్నాం. మీ భార్యను పరిచయం చేయవా అంది. మౌనంగా ఉండిపోయాను. నాకు ఇంకా పెళ్లి కాలేదు, చేసుకునే ఆలోచన లేదు అన్నాను. ఇద్దరం కాసేపు మౌనంగా అలా ఉండిపోయాం. నాకు తనతో గడిపిన క్షణాలన్నీ జ్ఞాపకం వచ్చాయి.

పెదవి విప్పింది

తర్వాత తనే పెదవి విప్పింది. ఇంకెన్నాళ్లని ఇలాగే ఉంటావు ఇప్పటికైనా పెళ్లి చేసుకో అని వేడుకుంది. జరిగిందేదో జరిగింది నువ్వు హ్యాపీగా ఉండాలని కోరుకుంటున్నాను అంది. అయినా నాకంటే అందమైన అమ్మాయి నీకు రాసిపెట్టినట్లు ఉంది అందుకే నేను నిన్ను మిస్ అయ్యాను. అది దురద్రుష్టం అంటూ ఏడ్చింది.

ఈజీగా ప్రేమలో పడరు.. ఈజీగా మరిచిపోలేరు.

నువ్వు హ్యాపీగా ఉంటేనే నేను సంతోషంగా ఉంటాను. నీ బాధకు నేను కారణం కాకూడదు. ఇప్పటికైనా పెళ్లి చేసుకో అంటూ వెళ్లిపోయింది. కానీ నా గుండెల్లో తనకున్న స్థానాన్ని నేను అంత ఈజీగా వేరే వాళ్లకు ఎలా ఇస్తాననుకుందో ఇప్పటికీ అర్థం కావడం లేదు. అమ్మాయిల్లా అబ్బాయిలు ఈజీగా ప్రేమలో పడరు.. ఈజీగా మరిచిపోలేరు.