శృంగార సమయంలో కండరాలు తిమ్మిరి వస్తున్నాయా.. అయితే ఇలా చేయండి

శృంగార సమయంలో కండరాల తిమ్మిరి ఎందుకు వస్తుంది?

శృంగార సమయంలో తిమ్మిరి రావడం చాలా సాధారణం. కొంత మందిలో చాలా తరచుగా తిమ్మిర్లు వస్తుంటాయి. కొన్ని సార్లు భావప్రాప్తి పొందుతున్న సమయంలో తిమ్మిరి వస్తుంది. డీహైడ్రేషన్, కండరాలు అలసిపోవడం, విపరీతంగా చెమట రావడం వల్ల శృంగార సమయంలో తిమ్మిరి వస్తుందని వైద్యులు చెబుతున్నారు.

శృంగార సమయంలో తిమ్మిరి రాకుండా ఉండాలంటే..:

1. పొజిషన్ మార్చి చూడండి

కొన్ని భంగిమల్లో శృంగారం చేసుకుంటే తిమ్మిరి అనుభవించినట్లయితే స్థానాలను మార్చుకోవడంద్వారా తిమ్మిరి నుండి ఉపశమనం లభిస్తుంది. ఎక్కువ ఒత్తిడి లేదా బలాన్ని ప్రదర్శించాల్సిన అవసరం లేని స్థానాలను ఎంచుకోవడం ద్వారా తిమ్మిరి రాకుండా జాగ్రత్త పడొచ్చు. సౌకర్యంగా ఉండే భంగిమలు ఏంటో తెలుసుకుని వాటిని ప్రయత్నించండి.

2. ఆహారంలో మార్పులు

ఆరోగ్యాన్ని మెరుగుపరచుకోవడానికి ఆహారం చాలా కీలకం. పొటాషియం లోపం కండరాల దృఢత్వానికి దారితీస్తుంది. పొటాషియం అధికంగా ఉండే ఆహారం తీసుకోవడం వల్ల రక్త ప్రసరణ మెరుగుపడుతుంది, తిమ్మిరి వచ్చే అవకాశాలను తగ్గిస్తుంది. అరటిపండ్లు, నారింజలు, బంగాళదుంపలు, టొమాటోలు, పనీర్, పైనాపిల్ వంటి పొటాషియం అధికంగా ఉండే ఆహారాలను తినాలి.

3. విటమిన్-ఇ

రోగనిరోధక శక్తిని బలోపేతం చేసే కండరాల తిమ్మిరి వచ్చే అవకాశాన్ని తగ్గించే పోషకం విటమిన్ ఇ. గింజలు, పండ్లు, సోయాబీన్స్, నువ్వులు, ఆలివ్ తో సహా అనేక రకాల నూనెల్లో విటమిన్-ఇ లభిస్తుంది. బ్రొకలీ, బచ్చలికూరం వంటి ఆకు కూరల్లో కూడా లభిస్తుంది.

4. విటమిన్ బి కాంప్లెక్స్

ఆహారం విషయంలో ఎంత శ్రద్ధ తీసుకున్నా, కొన్ని సార్లు లోపాలు మన శరీరంలోని ఏ భాగాన్ని అయినా నొప్పి లేదా స్టిఫ్‌నెస్‌ మొదలవుతాయి. గుడ్లు, చేపలు, ఓట్ మీల్, వేరు శెనగ, సోయాబీన్ మొదలైనవి తినడం ద్వారా శరీరానికి విటమిన్ బి కాంప్లెక్స్ అందుతుంది.

5. ఈ విషయాలు కూడా కీలకం

కండరాలను బలోపేతం చేయడానికి, లైంగిక ఆరోగ్యాన్ని అదుపులో ఉంచుకోవడానికి ఈ విషయాలు కూడా చాలా కీలకం.

* ఎక్కువగా నీరు తాగాలి

* శృంగారంలో ఫోర్‌ప్లే తప్పనిసరిగా భాగం చేయాలి

* క్రమం తప్పకుండా వ్యాయామం చేయాలి

* ధూమపానం పూర్తిగా మానేయాలి

* ఆల్కహాల్ పరిమితంగా తీసుకోవాలి