జుత్తు సంరక్షణకు పాటించండి చిట్కాలు..!!

ఒక కప్పు పెరుగులో, టేబుల్ స్పూన్ కొబ్బరినూనె, ఒక స్పూన్ నిమ్మరసం కలిపిన మిశ్రమాన్ని తల కుదుళ్లకు బాగా పట్టించి, అరగంట తర్వాత తలస్నానం చెయ్యాలి. ఇలా వారానికి రెండు సార్లు చొప్పున రెండు నెలలపాటు చేస్తే చుండ్రు పోతుంది.

జుట్టు ఊడటం తగ్గాలంటే- మొదటగా అరకప్పు మెంతులను రాత్రంతా నానబెట్టి ఉదయాన్నే పేస్ట్ చేసి అందులో అర కప్పు పుల్లటి పెరుగు కలపాలి. ఈ మిశ్రమాన్ని తలకు పట్టించి రెండు గంటల పాటు ఉంచుకుని గోరువెచ్చని నీటితో తల స్నానం చెయ్యాలి. ఇలా నెలకు రెండు సార్లు చేస్తే జుట్టు ఊడటం తగ్గి ఒత్తుగా పెరుగుతుంది.

ఆరోగ్యవంతమైన వెంట్రుకలు కోసం బలవర్థకమైన ఆహారాన్ని తీసుకోవాలి. కురల సంరక్షణకు ప్రొటీన్లు, విటమిన్లతో కూడిన ఆహారం సమృద్ధిగా దోహదపడుతుంది. సరైన పోషకాహారం తీసుకోకపోతే చిన్న వయసులోనే వెంట్రులను కోల్పొవలసి వస్తుంది. వెంట్రుకల దృఢత్వానికి సిట్రస్ ఫలాలు పూర్తి స్థాయిలో దోహదపడతాయి. అదే విధంగా 'బి' విటమిన్ పుష్కలంగా లభించే ఆకుకూరలు, పండ్లు వెంట్రుకల నిఘారింపుకు దోహదపడాయి.''

జుట్టు తత్వాన్ని బట్టి షాంపూలను ఎంపిక చేసుకోవటం ఉత్తమం, వారానికి మూడు సార్లైనా తలస్నానం చేయటం, అలాగే స్నానానికి ముందు జుత్తుకు కొబ్బరి నూనె పెట్టుకోవడం వంటి అంశాలను దినచర్యలో భాగం చేసుకోవాలి.