ఆరు ఆహారాల సంమ్మేళనంతో మీరు మెచ్చే కురులు..!

Hair Care

oi-Saraswathi

By Sindhu

Published: Wednesday, May 16, 2012, 14:59 [IST]

ప్రస్తుతం యువతరం నోటో ఎక్కడ వినిపిస్తున్నా ఫ్యాషన్..ఫ్యాషన్. అందుకు తగ్గట్టుగా ఎప్పటికప్పుడు కొత్త అందాలు మార్కట్లోకి వస్తూనే ఉంటాయి. అందుకే యువత అత్యాధునికమైన..వైవిధ్యమైన..ఆకర్షణీయమైన డిజైన్లపై మొగ్గుచూపుతున్నారు. వారి అభిరుచులకు తగిన విధంగానే సరికొత్త ఉత్పత్తులు అందుబాటులోకి వస్తున్నాయి. మరోవైపు కేశాలకు కొత్త సొగసులుకు పోటీపడుతున్నారు. యవ్వనంలో ఉండే యువతుల వారి అందాన్ని ఎంతో పెంచే కేశాలను ఆకర్షణీయంగా తీర్చిదిద్దుకునేందుకు ఆసక్తి చూపుతున్నారు.

అందమైన కురులు అందానికే వన్నెతెస్తాయి. నల్లగా నిగనిగలాడే దట్టమైన జుట్టు కావాలని ఎవరికి ఇష్టం ఉండదు. అలాంటి కురుల సిరులు మీ సొంతం కావాలంటే మాత్రం ఆహారం విషయంలో కొన్ని జాగ్రత్తలు పాటించాల్సిందే. ఈ క్రింది పదార్ధాలను తీసుకుంటే మీరు కలగన్న వాలుజడకు సరిపడు కురులు రావడానికి అవకాశాలు ఎక్కువగా ఉంటాయి.

పాలు: తెల్లగా ఉండే పాలు నల్లని వెంట్రుకలై ఎలాంటి మ్యాజిక్‌ చేయగలవు అని సందేహం రావుచ్చు మీకు. నిజానికి పాల వల్ల శరీరానికి కాల్షియంతో పాటు జుట్టుకు కూడా బోలెడు లాభాలు. జుట్టు చిక్కులు పడకుండా దానికి చేతనైనంతగా అది కృషి చేయడంతో పాటు సరికొత్త కేశ కళను లిగించడంలో మీకు ఎంతో తోడ్పడుతుంది. డ్రైహేయిర్‌ను మంచి కండీషన్‌లో తీసుకురావాలనుకుంటే మాత్రం పాలను నమ్ముకోవడం బెస్ట్‌.

బాదం: రోజుకో ఆపిల్‌ తీసుకుంటే డాక్టర్‌ వద్దకు వెళ్లే అవసరం లేదనే విషయం మనందరికీ తెలిసిందే. ఈ విషయం బాదాంకు కూడా వర్తిస్తుంది. రోజుకు గుప్పెడు బాదాంలను తింటే కేవలం జుట్టుకే లాభం కాదు మీ గుండెకు కూడా మంచిది. టాపిక్‌ హెయిర్‌ గురించి కాబట్టి బాదాం వల్ల మీ హెయిర్‌ సరికొత్త మెరుపును సంతరించుకోవడంతో పాటు, జుట్టు రాలిపోవడం వంటి సవుస్యలు ఎదురుకావు.

వెజిబుల్స్‌ తక్కువేం కాదు ఆకుపచ్చ రంగులో ఊరించే బ్రకోలీ, పాలకూరల వంటి ఆకుకూరల వల్ల అదనపు ప్రయోజనాలు చేకూరుతాయి. ఒకటి వీటిని తరచూ మీ ఆహారంలో భాగం చేయడం వల్ల ఎ, సి, కె వంటి విటమిన్లతో పాటు ఐరన్‌, కాల్షియం సమపాళ్లలో అందుతుంది. రెండవది మీ జుట్టుకు మంచి కండీషనర్‌గా కూడా పనిచేస్తాయి.

గుడ్డు-చికెన్‌: చికెన్‌ తింటే న్యూట్రీషన్స్‌ తో పాటు విటిమిన్స్‌ ఫ్రీ. జుట్టు ఎదుగుదలకు దోహదం చేసే ప్రోటీన్స్‌కూడా సంవృద్ది.

చేపలు: రెగ్యుర్ గా చేపలను ఆహారంలో భాగంచేసుకుంటే మీ జుట్టు కూడా చిక్కులలో చిక్కుకోవు.. చేపలలో ఉండే విటమిన్‌ డి ఆరోగ్య వంతమైన కురులకోసం ఉపయోగకరమైనవే కాకుండా, ఒమెగా 3 ఫాటీ ఆసిడ్స్‌తో సంవృద్దిగా ఉంటాయి.

ఫ్లాక్స్‌ సీడ్స్‌: ఫ్లాక్స్‌ సీడ్స్‌లో జుట్టు పెరుగుదలకు అవసరమైన ఒమెగా 3 ఫాటీ ఆసిడ్స్‌ సమృద్ధిగా ఉంటాయి.ఆరోగ్యవంతమైన కురులకోసం కావాల్సిన ప్రొటీన్‌, ప్రాకృతిక ఫైబర్‌లనుఇది అందిస్తుంది.ఈ విత్తనాల నూనెను సాధారణ నూనెలాగే ఆహారపదార్ధాలలో వినియోగించవచ్చు.