తాగితే...చలికాలం రోజంతా ఫిట్!

శ్వాస సంబంధిత సమస్యలకు దాల్చిన చెక్క, లవంగాల టీ బాగా పనిచేస్తుంది. సహజంగా లభించే ఔషద మూలికలు దాల్చిన చెక్క, లవంగాలతో దీనిని తయారు చేసుకోవడం కూడా చాలా తేలికైన పని. ప్రతిరోజూ ఒక కప్పు దాల్చిన చెక్క, లవంగాల టీ తాగి రోజంతా హాయిననుభవించండి.

ఇందులో వుండే పదార్ధాలు ఏమిటి ? ఒక్క ముక్క దాల్చిన చెక్క, రెండు లేదా 3 లవంగాలు, ఒక గ్లాసుపాలు, అతికొద్దిగా షుగర్, కొన్ని టీ ఆకులు. తయారీ విధానంలో...దాల్చిన చెక్క, లవంగాలు ఒకే ఒక్క నిమిషం పెనంపై వేడి చేయండి. వేయించిన వీటిని గ్రైండర్ లో మెత్తటి పౌడర్ గా చేయండి. ఒక్క గ్లాసెడు పాలలో ఒక చెంచా టీ పొడి, టీ ఆకులు, పంచదార వేసి మరిగించండి. ఇక మెత్తటి దాల్చిన చెక్క లవంగం పొడి అందులో వేసి అన్నీ బాగా కలపండి. దగ్గు, కఫం, గొంతు మంట లేదా నొప్పి వున్నవారు రోజుకు మూడు కప్పులు తాగితే, అవి మటుమాయం. ఈ రోజులలో ఇంటికి వచ్చిన అతిధులకు సైతం ఒక కప్పు అందిస్తే వారికి ఆరోగ్యమే కాక, ఏంతో విభిన్నంగా వుంటుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.