శరీరం వేడెక్కిస్తే...కొవ్వు తగ్గటం ఖాయం!

Diet Fitness

oi-Nageswara Sharma

By B N Sharma

Published: Thursday, September 8, 2011, 14:15 [IST]

మారుతున్న జీవన విధానం కారణంగా మనిషి తీసుకునే ఆహారంలో కూడా మార్పులు చోటు చేసుకుంటున్నాయి. వేళకు సరైన ఆహారం తీసుకోకుండా ఆ సమయానికి అందుబాటులో ఉన్నది ఏదో ఒకటి తీసుకుని భోజనం అయిందని అనిపిస్తాం. నిజానికి ఇలాంటి ఆహారం వల్లే స్థూలకాయం బారిన పడుతున్నట్టు అనేక అధ్యయాలు వెల్లడిస్తున్నాయి. ఒక్కసారి స్థూలం కాయం బారిన పడిన తర్వాత దాన్ని తగ్గించేందుకు యోగా, వ్యాయామం, వాకింగ్ ఇలా ఎన్నో చేస్తుంటాం. అయితే, అయినప్పటికీ.. శరీరంలో కొవ్వు పెరుగుతుంది. ఇలాంటి కొవ్వును మనకు అందుబాటులో ఉన్న వస్తువులతో మనం తగ్గించుకోవచ్చు. అవేంటో చూద్ధాం.

విటమిన్ 'సి' పుష్కలంగా ఉండే నిమ్మకాయలో కొవ్వును కరిగించే లక్షణాలు ఉన్నాయి. దీనికి మలబద్దకాన్ని తగ్గించి జీర్ణక్రియను పెంచుతుందట. ఐరన్‌లోపంతో బాధపడేవారు తొందరగా నీరసించే అవకాశం ఉంది. ఇలాంటప్పుడు ఎక్కువ కేలరీలు ఉన్న స్నాక్స్ తీసుకునే బదులు లెమన్ జూస్‌తో కూడిన సలాడ్ తీసుకుంటే ఎక్కువ శక్తిని ఇవ్వడమే కాకుండా శరీరంలోని కొవ్వును కూడా కరిగిస్తుందని వైద్యులు చెపుతున్నారు.అలాగే, వంటింట్లో అందుబాటులో ఉండే లవంగాలు, మిర్చి, దాల్చిన చెక్క వంటివి కూరల్లో ఎక్కువగా వాడటం వల్ల శరీర ఉష్ణోగ్రతను పెంచుతాయట. ఈ వేడి శరీర జీర్ణక్రియలో కొద్దిపాటి వృద్ధిని కలిగిస్తుంది. దీనివల్ల బాడీలో ఫ్యాట్ తగ్గే అవకాశం ఉందని వారు అంటున్నారు.

ప్రధానంగా టమోట, కీరదోస, గుమ్మడిల్లో తక్కువ కేలరీస్ ఉంటాయి. కానీ, ఎక్కువ ఫైబర్ ఉంటుంది. ఇవి తీసుకోవడం వల్ల ఆకలి ఎక్కువగా వేయదు. ఫైబర్ జీర్ణమవ్వడానికి శరీరం ఎక్కువ కష్టపడాల్సి వస్తుంది. దీనివల్ల కొవ్వు సులభంగా కరిగిపోతుంది. వీటితో ఎక్కువ విటమిన్స్, మినరల్స్ శరీరానికి అందించడమే కాకుండా యాంటీఆక్సిడెంట్స్ జీర్ణక్రియను, శక్తిని స్థాయిలో ఉంచుతాయని పేర్కొంటున్నారు. వీటితో పాటు.. బాదంపప్పు, కొబ్బరి నూనె, కోడిగుడ్లు, ఆలివ్ ఆయిల్, తేనె, మజ్జిగ, వెల్లుల్లితో కూడా శరీరంలోని కొవ్వును కరిగించుకునేందుకు ఎంతగానో దోహదపడతాయని గృహ వైద్యులు చెపుతున్నారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.