ముఖారవిందం... మెరుగుపడాలంటే!

Diet Fitness

oi-Nageswara

By B N Sharma

Published: Friday, November 4, 2011, 14:12 [IST]

ఫేస్ ఈజ్ ది ఇండెక్స్ ఆఫ్ మైండ్...ఇది భావాలకు సంబంధించిన మాట. నేటి రోజుల్లో కొవ్వు శరీర భాగాలలోనే కాక ముఖానికి కూడా పట్టేస్తోంది. ముఖాలు గుండ్రంగా తయారైపోతున్నాయి. తినే అలవాట్లు కొద్దిపాటిగా మారిస్తే ముఖానికి పట్టిన కొవ్వు వదిలించుకోవడం తేలికే కాగలదు. కొవ్వు తగ్గించటానికి వ్యాయామాలు చేయటంతోపాటు ఆహార నియంత్రణ కూడా వుండాలి. గడ్డం కింద గంగడోలు (డబుల్ ఛిన్) లేదా ఉబ్బిన బుగ్గలు కొవ్వు నిల్వలను సూచిస్తాయి. వీటిని కరిగించటానికి ఏ రకమైన ఆహారాలు తినాలో చూడండి.

1. ఉప్పు: ముఖం ఉబ్బిందంటే దానిలో ఉప్పు పాత్ర అధికం. ఉప్పు శరీరంలో నీటిని నిలువచేసుకుంటుంది. ఆహారంలో ఉప్పును తొలగించి తేలికగా జీర్ణమయ్యే పీచు అధికంగా కల పదార్ధాలు తినండి.

2. నీరు: అధిక కొవ్వు కరిగించాలంటే, నరు అంత మంచిది మరోటి లేదు. బరువు తగ్గాలనుకునే వారికి సహజమైన టానిక్. రోజుకు కనీసం 8 పెద్ద గ్లాసుల నీరు తాగండి. బరువు తగ్గించటంలో దీనిపాత్ర రుజువయింది.

3. కూరలు, పండ్లు: పచ్చి కూరలు, పండ్లు, మొలకెత్తిన విత్తనాలు, ఎండు ఫలాలు, మొదలైనవి రెగ్యులర్ గా తింటూవుంటే మిమ్మల్ని కనీసం 5 లేదా 6 సంవత్సరాలు వెనక్కి తగ్గించి చిన్నవారిగా చూపుతాయి. మంచి శక్తి నిచ్చి గాఢ నిద్ర కూడా పట్టేలా చేస్తాయి.

4. షుగర్ వున్న ఆహారాలు మానేయండి. రీఫైన్డ్ షుగర్ శరీరం ఉబ్బించి రక్తనాళాలకు మంట పుట్టిస్తుంది. కేండీలు, చాక్లెట్లు, పేస్ట్రీలు, కేకులు, ఇతర బేకరీ తిండ్లు మానేయండి. కాల్షియం అధికంగా తింటే ముఖానికి పట్టిన కొవ్వు బాగా తగ్గుతుంది. మహిళలు చాలా వరకు మెనోపాజ్ దశలో వెయిట్ పెరుగుతారు. కారణం కాల్షియం తక్కువవటం. పాల ఉత్పత్తులు, కాల్షియం వున్న ఇతర పదార్ధాలు తీసుకుంటే ముఖం కొవ్వు, శరీర కొవ్వు తగ్గి చిన్నవారిగా కనపడే అవకాశం వుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.