కండలు తిరిగిన చేతుల కొరకు!

By B N Sharma

Published: Saturday, April 14, 2012, 10:41 [IST]

నేటిరోజులలో డెస్క్ పై కూర్చొని పనిచేసే వారందరకు శారీరక సౌష్టవం వుండటం లేదు. వేలాడే చేతులు, పెద్ద పొట్ట వంటివి ఏర్పడతాయి. సినీ నటులు, క్రీడాకారులలో కండలు తిరిగి బలంగా కనపడే మనిషిని చూస్తే చాలు ఎంతో ఇష్టపడుతూంటాము. మనకు కూడా అటువంటి శారీరక రూపం కలిగితే బాగుంటుందనుకుంటాము. కాని వారు ఉపయోగించినట్లు మనం మన శరీరాన్ని వ్యాయామాలలో ఉపయోగించం. మరి మీకు మంచి శారీరక అంగసౌష్టవం కలిగి బలంగా కనపడాలంటే ఛేం చేయాలో చూడండి.

బలమైన కండలుకల చేతులు పొందాలంటే....
1. మీ చేతులను తరచుగా శ్రమకు గురిచేయండి. బరువైన షాపింగ్ బ్యాగులు మోయటం, ఇతర వస్తువులు మోయటం చేయాలి. కంప్యూటర్ కీ బోర్డు చేస్తూ కూర్చుంటే చాలదు. కండలు కలిగిన వారు తమ చేతులతో ఎంతో శ్రమపడతారనేది గుర్తించండి.

2. మీకు కూడా కండలున్నాయని గ్రహించండి. కండలనేవి బాడీ బిల్డర్లకు సినీ యాక్టర్లకే కాదు అందరికి వుంటాయి. మనకు కూడా వున్నాయి. వాటిని సరైన ఆకారంలో పెట్టటానికి వ్యాయామాలు చేయాలి.

3. కొంత శ్రమగా వుండే పని చేయండి. చిన్న చిన్న పనులు చేస్తూ కూర్చుంటే బలం రాదు. కట్టెలు కొట్టాలా? పారతో గార్డెనింగ్ చేయాలా? ఆ పనులు ఇష్టంగా చేయండి. తప్పక మీకు శారీరక బలం ఏర్పడుతుంది.

4. ప్రొటీన్లు అధికంగా వుండే ఆహారాలు తినాలి. ప్రొటీన్ ఆహారాలు కండలు ఏర్పరుస్తాయి. డైటింగ్ అంటూ ఆహారం మానేస్తే కండలు రావు. కండ కనపడాలంటే కొంత బరువు పెరగటం కూడా అవసరమే.

5. మీ కండరాలకు విశ్రాంతి నివ్వండి. మీ కండలు జిమ్ లలో తయారవ్వవు. కండపట్టేది మీరు విశ్రాంతిగా వున్నపుడే. కనుక తగినంత విశ్రాంతి, నిద్ర తీసుకోండి. కండలు ఉబికేటందుకు సమయం ఇవ్వండి.

6. శరీరంలోని అన్ని కండరాలు ఒకటిగా వుండవు. కొన్ని వేగంగాను మరికొన్ని నెమ్మదిగాను కండ పడతాయి. కనుక మీరు శ్రమించేటపుడు అన్ని అంగాలను ఉపయోగించండి.

7. కండలు కనపడేది చేతులపైనే అయినప్పటికి, శరీరంలోని అన్ని భాగాలకు మీరు శ్రమ కలి్పించాలి. బలమైన చేతులు, బలహీనమైన కాళ్ళు వుండరాదు. అలా వుంటే మీ శరీరం అందుకు సహకరించదు.

ఈ ట్రిక్కులు ఉపయోగించి మీ శరీరంలోని అన్ని అంగాలకు శ్రమ కల్పించి చక్కని శారీరక రూపం ఏర్పరచుకోండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.