వానలు పడినా...వరాల జల్లే...!

Diet Fitness

oi-Nageswara

By B N Sharma

Published: Monday, June 25, 2012, 9:41 [IST]

రుతువు మారిందంటే ఎన్నో ఆరోగ్య సమస్యలు. ఇప్పటి వరకు వేసవి, ఇకపై వర్షాకాలం. వర్షాలలో తడిసిపోవటం, దగ్గులు, జలుబు వంటి వ్యాధులకు గురికావడం జరుగుతుంది. వర్షంలో తడవనప్పటికి ఈ రుతువులో మీకు లేదాంటే పిల్లలకు దగ్గు జలుబు వంటివి సాధారణంగా వస్తాయి. కొన్ని మార్లు ఇవి వైరల్ వ్యాధులకు కూడా దోవతీస్తాయి. అయితే, ఇటువంటి వర్షాకాల సమస్యలనుండి దూరంగా వుండేందుకు కొన్ని చిట్కాలు పాటించాలి. ఆ చిట్కాలు పాటిస్తే, వర్షాకాలంలో సైతం మీరు ఆరోగ్యంగా, ఆనందంగా జీవితాన్ని గడిపేయగలరు. అవి ఏమిటనేది పరిశీలించండి.

వర్షా కాలంలో ఆరోగ్యంగా వుండేందుకు చిట్కాలు
చల్లటి నీరు - వేసవిలో ఫ్రిజ్ తెరచి చల్లని నీరు తాగెయ్యటం అలవాటు పడి వుంటారు. కాని ఇపుడు మీరు ఈ అలవాటుకు స్వస్తి చెప్పండి. కొన్ని సార్లు దాహం వేస్తుంది. కాని చల్లటి నీరు తాగవద్దు. వర్షాకాలంలో చల్లటి నీరు జలుబు త్వరగా తెప్పించే అవకాశాలుంటాయి. కనుక కూల్ డ్రింక్ లు, చల్లటినీరు తాగకండి. వేసవి కాదని గుర్తించండి. శరీరాన్ని సర్దుబాటు చేయండి.
మీ నాలుకను నియంత్రించండి. వర్షాకాలంలో, డెంగు, మలేరియా వంటి వ్యాధులు వస్తూంటాయి. అంతా తడి తడి, దోమల సంగీతం, బాక్టీరియా, బాగా పెరిగిపోతూంటాయి. బజార్లలో చూసే ఆహారాలు మిమ్మల్ని తినేయమంటాయి. కాని మీరు మీ నాలుకను బజారు ఆహారాల జోలికి పోకుండా నియంత్రించండి. కొనుగోలు చేసే కూరలు, పెరుగు, వంటివి కూడా ఆరోగ్యకర ప్రదేశాలలో కొనండి. ఈ జాగ్రత్తలు మీరు జబ్బుపడకుండా చేస్తాయి.

వ్యక్తిగత ఆరోగ్యం - శరీరం వ్యాధులకు కూడా గురవుతూంటుంది. వర్షాకాలంలో, మీ పాదాలు తడిగా వుండి బాక్టీరియా శరీరంలోకి కూడా ప్రవేశిస్తుంది. గోళ్ళు ఎప్పటికపుడు కత్తిరించాలి. పాదాలు శుభ్రంగా కడుగుకోవాలి. తల వర్షంలో తడిసినపుడు బాగా కడిగి పొడిగా తుడవాలి. మీ షూస్, చెప్పులు వంటివి ఎండలో వుంచి వాటి క్రిములు పోయేలా చూడండి. ప్రతిరోజూ ఐరన్ చేసిన పొడి బట్టలు ధరించండి.

వేడినీటి స్నానం - చల్లని నీటిని స్నానం చేస్తే, జలుబు, జ్వరం వచ్చే అవకాశాలు మెండుగా వుంటాయి. ఇంటి కిటికీలనుండి చల్లటి గాలి వస్తూంటుంది. కనుక గోరు వెచ్చగా వుండే నీరు శరీర ఆరోగ్యానికి ఎంతో మంచిది. వేడి నీటిలో క్రిములు కూడా బాగా సంహరించబడి ఆరోగ్యం చేకూరుతుంది.

వర్షా కాలంలో ఈ ఆరోగ్య చిట్కాలు పాటించండి. ఆరోగ్యాన్ని జాగ్రత్తపడుతూ, ఆనందించేయండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.