అనేక ఆరోగ్య ప్రయోజనాలున్న చాక్లెట్లు!

Diet Fitness

oi-Nageswara

By B N Sharma

Published: Friday, March 30, 2012, 11:16 [IST]

చాక్లెట్ చరిత్ర పరిశీలిస్తే, సుమారు 2000 సంవత్సరాలనుండి ఆనందాన్ని అందించే ఈ చిరుతిండి మనకు అందుబాటులో వున్నట్లు తెలుస్తోంది.సామాన్య ప్రజానీకం చాక్లెట్ చూస్తే చాలు ఎంతో సంతోష పడిపోతూంటారు. దానికి వుండే రుచి, ఆకర్షణీయమైన రూపం, చక్కని సువాసన మొదలైనవి చాక్లెట్ ను ప్రపంచ వ్యాప్తంగా శతాబ్దాలనుండి మానవులు ఆదరించి తినేసేలా చేస్తోంది. తినటానికి కూడా ఎంతో సౌకర్యవంతమైనదిగా వుంటుంది.

నేటి రోజులలో తయారయ్యే చాక్లెట్ లు వివిధ రకాల పోషకాహారాలు చొప్పించబడి అనేక ఆరోగ్య ప్రయోజనాలతో కూడా తయారవుతున్నాయి. రోజుకు ఒక పెద్ద డార్క్ చాక్లెట్ తింటే శరీరంలోని ఒత్తిడి కలిగించే హార్మోన్లు తగ్గుముఖం పడతాయని తిన్నవారు ఎంతో రిలీఫ్ భావిస్తారని అనేక స్టడీలు చెపుతున్నాయి. చాక్లెట్ లో వుండే ఫ్లేవనాయిడ్లు ఇతర పదార్ధాలు ప్రధానంగా కోకో నుండి తయారు చేయబడతాయి.

చాక్లెట్లను మైగ్రేన్ వంటి వ్యాధుల నివారణలో కూడా ఔషధంగా వాడుతున్నారు. చాక్లెట్ లోని పదార్ధాలు నరాలను సడలించి మంచి విశ్రాంతి, హాయిగొలిపే భావనలు ఇస్తాయి. టైప్ 2 డయాబెటీస్, గుండె సంబంధిత వ్యాధులు, అధిక రక్తపోటు మొదలైన వాటికి కూడా చికిత్సగా నేటిరోజులలో కొన్ని ఫ్లేవనాయిడ్లతో కూడిన చాక్లెట్లు తయారు చేస్తున్నారు. డార్క్ చాక్లెట్ వలన మరో తాజా ప్రయోజనం చెప్పాలంటే...అది సిగరెట్లు తాగేవారికి రక్తనాళాలలో అడ్డంకులు ఏర్పడకుండా కూడా చేస్తుందని చెపుతున్నారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.