కూరగాయలు వండితే చాలు అనారోగ్యమే!

Diet Fitness

oi-Nageswara

By B N Sharma

Published: Wednesday, May 2, 2012, 15:45 [IST]

మనకందరకు కూరగాయలు ఆరోగ్యాన్నిస్తాయని తెలుసు. వాటిలో విటమిన్లు, పీచు, యాంటీ ఆక్సిడెంట్లు, మినరల్స్ వుంటాయి. కాని వాటిని కనుక బాగా వేయించటం లేదా వేడికి గురిచేయటం చేస్తే అవి అనారోగ్యానికి దారితీస్తాయి. కూరగాయలు కొన్ని పచ్చివే తినవచ్చు. ఇవి మీ ఆహారానికి రుచినిస్తాయి. మీరు ఏది తింటే అంతే ఆరోగ్యంగా వుంటారు. అది ఆరోగ్యం లేదా అనారోగ్యం కూడా కావచ్చు. మరి కొన్ని కూరలు వేడికి గురి చేస్తే ఎలా అనారోగ్యంగా మారుతాయనేది పరిశీలించండి.

1. బంగాళదుంప చిప్స్ - చిప్స్ అందరూ ఇష్టపడతారు. కాని అవి ఆరోగ్యానికి మంచివి కావు. వీటిని సాధారణంగా నూనెలలో వేసి అధిక వేడికి గురి చేస్తారు. ఫలితంగా అవి మనుషులకు విషపూరితంగా మారే అవకాశం కూడా వుంటుంది. కేన్సర్ వచ్చే ప్రమాదం వుంది. కనుక ఆరోగ్యంగా వుండాలంటే చిప్స్ అధికంగా తినకండి.

2. డబ్బాలలో వచ్చే వెజిటబుల్ సూప్ - ఈ సూప్ లు చాలా రుచి కాని హాని కలిగిస్తాయి. ఇన్ స్టాంట్ సూప్ లు తాగటం మంచిది కాదు. డబ్బాలలో నిలువ వుంచిన వీటిలో సోడియం అధికం. వీటి తయారీలో వాడే కృత్రిమ తేనె, షుగర్ వంటివి ఆరోగ్యాన్ని పాడు చేస్తాయి.

3. వేయించిన కూరలు - వేయించిన కూరలు చాలా రుచే. కాని వేయించే సరికి కూరలలోని పోషకాలు అన్నీ పోతాయి. నూనెలో బాగా వేయించిన ఏ కూర అయినా ఆరోగ్యానికి హానికరమే. బాగా వేయించిన పకోడీలు, మిరప బజ్జీలు, బజ్జీలు వంటివి తినకండి. అంత చేటు వేయించేసరికి వాటిలో ట్రాన్స్ ఫ్యాట్స్ ఏర్పడి గుండె జబ్బులు కలిగించే అవకాశం ఉంది.

4. కూరలతో పెట్టే పచ్చళ్ళు - పచ్చళ్ళు ఎంతో రుచి కాని అవి నిలువ వుండేందుకుగాను వాటిలో వేసే పదార్ధాలు, నూనె, ఉప్పు మొదలైనవి నిలువ వున్న కొలది అధిక హాని కలిగిస్తాయి. కూరలలో వుండే విటమిన్లు, మినరల్స్ వంటివి పూర్తిగా మాయమవుతాయి. అధిక ఖారం కలిగిన పచ్చళ్ళు తింటే కడుపులో పుండ్లు సైతం పుట్టే అవకాశం వుంది.

మరి కూరలు ఎలా తినాలి? పచ్చివి తినండి. లేదా ఉడికించి తినండి. తాజా కూరలలో పోషకాలు పోకుండా ఎలా తినాలనేదిగా మీకు తెలిసిన మరిన్ని మార్గాలు వుంటే తప్పక మాకు వ్రాయండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.