రోజంతా ఉత్సాహంగా, చురుకుగా వుండాలంటే?

Diet Fitness

oi-Nageswara

By B N Sharma

Published: Tuesday, February 21, 2012, 15:21 [IST]

శారీరకంగా చురుకుగా వుంటే వారిలో సాధారణ వ్యక్తులకంటే కూడా అధికంగా ఉత్సాహం ఉరకలేస్తుందని రీసెర్చర్లు చెపుతారు. శారీరక వ్యాయామాలు చేసిన రోజు వారు మరింత చురుకుగా వుంటారని పెన్ స్టేట్ పరిశోధకులు వెల్లడించారు. వ్యాయామం వలన వచ్చే మానసిక ఆనందం కొరకు ప్రతిరోజూ వ్యాయామాలు చేయనవసరం లేదు. ఏ రోజు వ్యాయామం చేసినప్పటికి దాని ఫలితాలు తప్పక అందుతాయి. మీలో మానసికంగా, శారీరకంగా మార్పు అదే రోజు కనపడుతుందంటారు కిన్సియాలజీ ప్రొఫెసర్, డేవిడ్ కాన్ రాయ్

రోజుకు ఒక్కసారి వ్యాయామం చేస్తే చాలు మానసికోల్లాసం రోజంతా పొందవచ్చునని వివరించారు. ఈ పరిశోధనను సుమారు 190 మంది యూనివర్శిటీ విద్యార్ధులపై చేశారు. వారి మానసిక, శారీరక స్ధితిగతులు పరిశీలించారు. శారీరకంగా అధికంగా చురుకుగా వున్న వారంతా అధిక సంతోషాన్ని కలిగి వున్నారని తక్కువ శారీరక చురుకుదనం కలవారు తక్కువ ఆనందంగా వున్నారని పరిశోధన తెలిపింది.

కనుక ఏ రోజైనా సరే మీరు సంతోషంగా వుండాలని భావిస్తే, వెంటనే శారీరక వ్యాయామం చేసి దాని ఫలితంగా వచ్చే ఆనందాన్ని రోజంతా నిలుపుకోండి అంటున్నారు పరిశోధకులు. ఈ పరిశోధనా ఫలితాలు, జర్నల్ ఆఫ్ స్పోర్ట్ అండ్ ఎక్సర్సైజ్ సైకాలజీలో ప్రచురించారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.