ముద్దోచ్చే ముఖానికి ముచ్చటైన వ్యాయామాలు!

1. ముఖాకృతిని, ప్రత్యేకించి ముక్కును ఆకర్షణీయం చేసుకోవాలంటే యోగా అద్భుతంగా పనిచేస్తుంది. వెడల్పాటి ముక్కు సూదిగా సన్నంగా అవ్వాలంటే ప్రాణాయామం చేయండి. తిన్నగా కూర్చోండి చేతి కుడి బొటనవేలుతో ముక్కు రంధ్రాన్ని మూసేయండి. ఎడమ ముక్కు రంధ్రంతో 4 లెక్కపెట్టే వరకు గాలి పీల్చండి. మరో నాలుగు లెక్కపెట్టేంతవరకు దానిని బిగపట్టండి. గాలి వదిలేస్తూ 6 లెక్కపెట్టండి. ప్రాణాయామం క్రమం తప్పకుండా రోజూ చేస్తేమైండ్ రిలాక్స్, చక్కటి ముఖ రూపం, అందమైన ముక్కు సహజంగానే ఏర్పడతాయి.

2. రోజూ ముక్కు గట్టిగా పట్టుకొని పైకి ఎత్తండి. ముక్కు రంధ్రాలను బొటన వేలు, చూపుడు వేలుతో మూయటం, తెరవడం వంటివి గాలి పీలుస్తూ, వదులుతూ చేయాలి.

3. ముక్కును షేప్ చేసుకోడానికి, చర్మంపై ముడుతలు రాకుండా చేయడానికి ఫేషియల్ మసాజ్ మీ అంతట మీరే అరచేతులతో కిందనుండి పైకి చేయండి. మర్దనలో కొద్దిపాటి లవెండర్, జాస్మిన్ ఆయిల్ రాయండి.

ఈ రకమైన వ్యాయామాలు ప్రతిరోజూ క్రమం తప్పకుండా చేస్తే ముఖ కండరాలను రిలాక్స్ చేసి వాటిలోని కొవ్వు తగ్గేలా చేయటం, ముక్కు కిరువైపులా ముడుతలు రాకుండా కూడా చేస్తాయి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.