మహిళల హార్మోన్ సమస్యలకు ఆహారాలు!

Diet Fitness

oi-Nageswara

By B N Sharma

Updated: Monday, July 9, 2012, 11:02 [IST]

నేటి రోజులలో మహిళల హార్మోన్ సమస్యలు అతి సాధారణమైపోయాయి. ఒత్తిడి కల జీవితాలు, పని ఒత్తిడి మరియు అనారోగ్యకరమైన జీవన విధానం అన్నీ చేరి శరీరంలో హార్మోన్ల స్ధాయిలను హెచ్చు తగ్గులు కలిగిస్తున్నాయి. వీటి ఫలితాలు మహిళలు ప్రతినెలా పొందే రుతుక్రమాలపై ప్రభావం చూపుతున్నాయి. అయితే, హార్మోన్ల సమస్యల కారణంగా మహిళలలో వచ్చే అకాల పిరీయడ్లు, బహిష్టు సమయంలో కడుపు నొప్పులు లేదా రక్త స్రవావం అధికంగా వుండటం వంటివన్ని ఆహారాలతో నివారించుకోవచ్చు అనేది ఒక మంచి వార్త. మహిళలు అతి సాధారణంగా పొందే హార్మోన్ సమస్యలు మరియు వాటి నివారణకు అవసరమైన ఆహారాలు పరిశీలించండి.

హార్మోన్ సమస్యలకు ఆహారాలు -

1. బహిష్టు నొప్పులకు కాల్షియం - మహిళ బహిష్టు నొప్పులకు అనేక కారణాలుంటాయి. ప్రధాన కారణం అంటే, గర్భా శయంలో గోడలు విఛ్చిన్నం అయ్యే సమయంలో కలిగే కండరాల సంకోచ వ్యాకోచాలు అని చెప్పాలి. ఈ సమయంలో ప్రొస్టాగ్లాండిన్స్ అనే రసాయనం ఈ విచ్ఛిన్నంలో ప్రధాన పాత్ర వహిస్తుంది. దీనికి మందుగా మీరు కాల్షియం అధికంగా వుండే ఆహారాలు తీసుకొని మీ నొప్పులను సగం మేరకు తగ్గించుకోవచ్చు. పాలు, పెరుగు, వెన్న, జున్ను వంటి కాల్షియం ఆధారిత ఆహారాలు, మీ గర్భాశయ కండరాలను నొప్పి లేకుండా నివారిస్తాయి.

2. రక్తస్రావం అధికంగా ఉంటే ఐరన్ - మహిళలకు తమ రుతుస్రావ సమయంలో కొన్ని సార్లు అధికంగా రక్తస్రావం అయిపోతుంది. ఈ అధిక రక్తస్రావం ఆమెలో ఐరన్ బాగా తగ్గినట్లు సూచిస్తుంది. హారన్మోన్ లెవెల్ పెరిగిన కారణంగా గర్భాశయంలో గడ్డలు ఏర్పడి కూడా అధిక రక్తస్రావం అయ్యే అవకాశం ఉంది. ఇపుడు అధికంగా రక్తం పోవటం మరింత ఐరన్ బయటకు పోయేట్లు చేస్తుంది. కనుక, ఐరన్ అధికంగా ఉండే, రెడ్ మీట్, చికెన్, గుడ్లు, పచ్చటి ఆకు కూరలు తినండి. కొద్ది నెలలు గడిస్తే, మీ బ్లీడింగ్ సాధారణ స్ధితికి వచ్చేస్తుంది.

3. శరీర ఉష్ణోగ్రతల మార్పుకు ఆహారాలు - మీరు కనుక మెనోపాజ్ దశకు చేరుతూంటే, పిరియడ్స్ సరిగా రావు. ఆ సమయంలో మీలోఉష్ణోగ్రతలను నియంత్రించే ఈస్ట్రోజన్ హార్మోన్ స్ధాయి నియంత్రణ తీవ్ర హెచ్చు తగ్గులకు లోనవుతుంది. ఫలితంగా, మీ శరీరంలో ఎంతో వేడి పుట్టి విపరీత ఉష్ణం పెరుగుతుంది. ఈ సమయంలో ఏం చేయాలి? మేయో క్లినిక్ నిపుణుల మేరకు మెనో పాజ్ దశకు ముందుగా మహిళలు ప్రతిరోజూ కొన్ని అవిసె గింజలు కనుక తింటే, ఈ హార్మోన్ సమస్య 66 శాతం తగ్గుతుందని తెలుస్తోంది.

4. నోరూరించే బంగాళ దుంప కుర్మా - చికాకు, కోపం, వంటి మనో భావనలు ఈ సమయంలో కలిగి ఉన్నారా? అలాగయితే, మూడ్ మార్చే ఆహారం బంగాళ దుంప బాగా ఉడికించి మీకిష్టమైన రీతిలో తినేయండి. ఇందులోని పదార్ధాలు మీ బ్రెయిన్ కి అవసరమైన సెరోటోనిన్ హార్మోన్ అందిస్తాయి. ఈ సమయంలో బ్రెయిన్ లో కనుక సెరోటోనిన్ తయారు కాకుంటే ఈ రకమైన మూడ్ స్వింగ్స్ వస్తాయి. బంగాళ దుంపలలో ఉండే ఎమినో యాసిడ్ సెరోటోనిన్ హార్మోన్ ఉత్పత్తికి బాగా పనిచేస్తుంది. మసాఛూసెట్స్ ఇన్ స్టిట్యూట్ ఆఫ్ టెక్నాలజీ సంస్ధ నిపుణుల మేరకు మంచి రుచిగల బంగాళ దుంపల కూర్మా, ఉడికించినది, లేదా వేయించినది, మిమ్మల్ని ఈ రకమైన ఆందోళన నుండి పది నిమిషాలలో బయటపడేస్తుంది. సాధారణంగా బంగాళ దుంప కూర్మా ఇష్టపడని వారుండరు. కనుక మీకు ఈ సమస్య వచ్చినపుడు ఇష్టమైన బంగాళ దుంప కూర వండుకు తిని ఆనందించేయండి.
మీలోని హార్మోన్ సమస్యలకు సహజంగా పరిష్కారం కొరకు ఈ సహజ ఆహారాలు తినండి. వచ్చే నెల పిరియడ్ నాటికి వీటిని మీ రిఫ్రిజిరేటర్ లో రెడీగా ఉంచుకోండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.