బరువు తగ్గాలంటే వేసవికాలం మంచి సమయమా?

By B N Sharma

Published: Tuesday, April 10, 2012, 9:30 [IST]

చలికాలంలో మీరు గమనించారో లేదో, మనం కొద్దిగా బరువు పెరుగుతాం. కాని వేసవిలో ఇది రాదు. నిపుణులు చాలామంది, బరువు తగ్గాలంటే వేసవి మంచిదంటారు. ఇందుకు అనేక కారణాలు దోహదపడతాయి. వీటిలో మనలోనుండి వేసవిలో అధికంగా వచ్చే చెమట ఒకటి. మరి ఇతర కారణాలు ఏమై వుంటాయో పరిశీలించండి.

వేసవిలో బరువు తగ్గటం తేలికా?
1. చలికాలం పొడిబారి వుంటుంది. మన శరీరానికి డీహైడ్రేషన్ లేకుండా కొంత నీరు శరీరంలో వుండాలి. వేసవికాలంలో, మీరు చెమట బాగా కార్చి కొంత బరువు తగ్గించుకుంటారు. పైగా నీరు మీ శరీరంలో ఎక్కువసేపు వుండదు కూడాను. కనుక నీరు మీ బరువుకు కలుస్తుందన్న భయం లేకుండా తగినంత నీరు తాగేయండి.

2. చలికాలంతో పోలిస్తే వేసవిలో మనం ఆహారాలు తక్కువగా తింటాం. వేసవి వేడి మన జీవక్రియను తగ్గిస్తుంది. వేసవిలో ఆకలి కంటే కూడా మనకు దాహం ఎక్కువ. కనుక సహజంగానే తినే ఆహారం తక్కువగా వుంటుంది. ఈ చర్య మీరు వేగంగా బరువు తగ్గేందుకు తోడ్పడుతుంది.

3. చల్లని వేసవి ఆహారాలు - వేసవిలో పెరుగు, కూరలు, పండ్లు రసాలు వంటివి శరీరానికి చల్లదనం ఇస్తాయి. అవి మీకు బరువు చేర్చవు. చలికాలంలో, మనం శరీరానికి అధిక వేడి కావాలంటూ కొన్ని ఆహారాలు తినేస్తాం. ఈ ఆహారాలు ఏవంటే...మాంసం, జున్ను మొదలైనవి. వీటిలో కేలరీలు అధికం. కాని వేసవిలో, ఈ రకంగా వేడి పుట్టే ఆహారాలు మానేస్తాం.

4. ద్రవాహారాలు మరియు బరువు తగ్గుట ....వేసవిలో వేడిని తగ్గించటానికి ద్రవాహారాలు అధికంగా తీసుకోవాలి. ద్రవాలు మీ కడుపు నింపుతాయి. కనుక మీరు ఎప్పుడు పడితే అపుడు ఆహారం తీసుకోడానికి ఇష్టపడరు. ఫలితంగా మీరు తక్కువ తినడం, వేగంగా బరువు తగ్గడం జరుగుతుంది. రెండవ ప్రయోజనంగా మీరు తీసుకునే ద్రవాహారాలు మీ శరీరంలోని మలినాలను, వ్యర్ధాలను బయటకు విసర్జిస్తాయి. ఇక అపుడు మీ జీవక్రియ రేటు పెరిగి మీరు ఆరోగ్యంగా వుంటారు. కనుక వేసవిలో మీరు బరువు తగ్గటం తేలిక.

5. వేడిలో వ్యాయామాలు అధికంగా చేస్తారు. చలిగా వుంటే మానవులైనా, జంతువులైనా, శరీరానికి పని కల్పించక ఎపుడూ బద్ధకంగా పడుకుని వుంటారు. వ్యాయామం తక్కువ చేస్తారు. కాని వేసవి వచ్చిందంటే ఏ రకమైన బద్ధకం లేకుండా వ్యాయామాలు చేస్తూ తమ బరువు తగ్గించుకుంటారు. వేసవిలో చెమట ఎటూ పడుతుంది కనుక ఎటూ చెమట పడుతోందిగా అంటూ వ్యాయామం మరింత చేసి కూడా బరువు తగ్గించుకుంటారు.

ఈకారణాలుగా వేసవి బరువు తగ్గేందుకు అనుకూలంగా వుంటుంది. కనుక ఈ చిట్కాలు పాటించి మీరు కోరే శారీరక రూపం సంతరించుకోండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.