ఆరోగ్యం అందించే గొప్ప వ్యాయామం జాగింగ్!

By B N Sharma

Published: Saturday, June 16, 2012, 16:56 [IST]

సాధారణంగా, మనలో చాలామంది ఆరోగ్యం కొరకు ఏ రకాల వ్యాయామాలు మొదలు పెట్టాలా అని ఆలోచిస్తూ వుంటారు. వీలైనంత వరకు శ్రమ తక్కువ, ఫలితం ఎక్కువ వుండే వ్యాయామాలు చేయాలని అందరూ భావిస్తారు. మరి అటువంటి వాటిలో జాగింగ్ ఒకటి. తక్కువ సమయంలో అధిక వ్యాయామం జరుగుతుంది. శరీరంలోని కండరాలు అన్నీ ఎంతో అధికంగా శ్రమిస్తాయి. జాగింగ్ అనేది గుండె సంబంధితంగా కూడా బాగా పనిచేస్తుంది. గంటలతరబడి నడవటం కంటే కూడా శారీరక ఫిట్ నెస్ కనుక అనుమతిస్తే, జాగించేయటం మెరుగైన వ్యాయామంగా భావించాలి. అయితే, జాగింగ్ చేసేవారు తమ దుస్తులు, తగిన షూస్ వంటివి ధరించి సమర్ధవంతంగా చేస్తూ వుంటే శరీరంలో ఆరోగ్యం అతి త్వరగా చేకూరుటమే కాక, మంచి ధృఢత్వం కలిగి కూడా వుంటారు. శరీరం అనుకున్న షేప్ కు రావాలన్నా, మంచి ధృఢత్వం కలిగి వుండాలన్నా జాగింగ్ మంచి వ్యాయామం. కేలరీలు ఖర్చవటమే కాదు శరీరం, మైండ్ అన్నీ ఆరోగ్యంగా వుంటాయి. రకరకాల వ్యాయామాలు చేసే కంటే జాగింగ్ చేస్తే చాలనుకుంటారు చాలామంది. అయితే, మంచి ఫలితాలనివ్వాలంటే జాగింగ్ చేసే విధానం తెలుసుకోండి.

1.జాగింగ్ షూస్ వేసుకొని వెంటనే గ్రౌండ్ కు వెళ్ళిపోవటం కాదు. దానికి ముందు కొద్దిపాటి స్ట్రెచింగ్ వ్యాయామాలు వామ్ అప్ వ్యాయామాలు చేయాలి. జాగింగ్ తర్వాతే స్ట్రెచింగ్ చేయాలనే భావన దూరం చేయండి. ముందుగా స్ట్రెచింగ్ చేస్తే...అది బెణుకులను లేదా గాయాలను కలుగకుండా చేస్తుంది. జాగింగ్ కు వెళ్ళే ముందే శరీరానికి తగిన ఉష్ణోగ్రత కల్పించాలి.
2. జాగ్ చేయాలంటే...ఉదయం వేళ మంచి సమయం. అది మీ జీవక్రియ పెంచి రోజంతా శక్తితో వుండేలా చేస్తుంది. జాగింగ్ చేసిన వెంటనే తగిన నీటిని కూడా తాగండి.
3. జాగింగ్ బాగా చేయాలంటే, జాగింగ్ షూస్ మరియు దుస్తులు వేసుకోండి.
4. కొత్తగా మొదలు పెట్టినవారు ఆరంభంలో మెల్లగా నడిచి, నడక వేగం పెంచుతూ, క్రమంగా జాగింగ్ కు రావాలి. జాగింగ్ సమయంలో మూడ్ బాగా వుండాలంటే, మ్యూజిక్ వినండి.నడక నుండి జాగింగ్ కు మారే సమయంలో అవసరమనుకుంటే శారీరక పరీక్షలు చేయించుకొని వైద్యుల సలహా పొందండి.
5. కొత్తగా జాగ్ మొదలు పెట్టేవారు ఎత్తు, పల్లాలు లేని ప్రదేశాన్ని ఎంచుకోండి. కాళ్ళపై ఒత్తిడి లేకుండా వుంటుంది. వీలైనంత వరకు ప్రతిరోజూ ఒకే సమయంలో జాగింగ్ చేస్తే, శరీరానికి మంచి ఫలితాలుంటాయి.
6. బెణుకులు వంటివి లేకుండా వుండాలంటే...మెల్లగా మొదలు పెట్టి క్రమేణా వేగం పెంచాలి. అలసట లేకుండా ఎంత సమయం చేయగలిగితే అంతే చేయండి. అధికంగా చేసి శరీరానికి ఒకే రోజు శ్రమ కల్పించకండి.
7. జాగింగ్ కు వెళ్ళే అరగంట ముందు నీరు తాగండి. శరీరం డీహైడ్రేషన్ పొందకుండా వుంటుంది. నీరు అధికంగా తాగితే, వేగం తగ్గుతుంది.
8. ఫలితాలు బాగుండాలంటే, ఖాళీ పొట్టతో చేయండి. వేగంగా చేస్తే కేలరీలు బాగా తగ్గుతాయి.
9. మునికాళ్ళపై జాగ్ చేయాలి కాని మడమలపై కాదు.
10. జాగింగ్ చేసిన తర్వాత కూడా కొద్ది పాటి స్ట్రెచింగ్ చేయండి. ఈ చర్య అలసిన మీ కండరాలకు ఎంతో హాయినిస్తుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.