వారంలో నరకం...వారాంతపు స్వర్గం...!

Diet Fitness

oi-Nageswara

By B N Sharma

Published: Tuesday, June 19, 2012, 10:21 [IST]

చాలామందికి వారాంతపు సెలవుల సమయం ఎంతో విలువైనదిగా వుంటుంది. ఆ సమయంలో వారు వారమంతా అనుభవించిన ఒత్తిడిని దూరం చేసుకుంటారు. కాని ఈ వారాంతపు సెలవులను ఎంతమంది సరిగ్గా ఉపయోగించుకుంటారు? ఎంతమంది నిజంగా తమ ఒత్తిడి దూరంచేసుకోవడానికి విశ్రాంతి తీసుకుంటారు? మీ వారాంతపు సెలవులను ప్రయోజనకరంగా, ఎలా గడపాలనేదానికి కొన్ని చిట్కాలు పరిశీలించండి.

హాయిగా నిద్రించండి - వారంలో సాధారణంగా ఆఫీస్ లేదా వ్యాపారం అంటూ మీరు ఉదయమే నిద్ర లేవటం, పొద్దు పోయేటంతవరకు రాత్రివేళ లేట్ గా పడుకోవటం చేస్తారు. ఫలితంగా అలసట, ఒత్తిడి వస్తాయి. కనుక వారాంతపు సెలవులలో రోజూ కంటే ముందుగా పడుకోవటం లేదా రోజూ కంటే ఆలస్యంగా లేవటం వంటివి చేయండి. ఈ రకమైన మీరు పొందే విశ్రాంతి మరల మిమ్మల్ని తదుపరి వారంలో బాగా పనిచేసుకునేందుకు తోడ్పడుతుంది.

మీ ల్యాప్ టాప్, మొబైల్ వంటి పరికరాలు దూరం పెట్టండి - వారాంతపు సెలవులలో కూడా పని తగులుతూనే వుంటుంది. ఫోన్లు వస్తాయి, ల్యాప్ టాప్ అవసరపడుతుంది. వీటిని ఉపయోగించటం మొదలు పెట్టకండి. వాటికి దూరంగా వుండండి. వారాంతంలో మీకు పూర్తి సెలవు, మరియు వశ్రాంతి కావాలి. పరికరాలు రిలాక్స్ అయ్యేందుకు వాడినప్పటికి వాటిని వినోదం కొరకు వాడండి.

మీ హాబీలో సమయం గడపండి - అందరికి తమ వ్యక్తిగత సంతోషం కొరకు పనులు లేదా హాబీలు చేసుకోవడం సాధారణం. అవిమీకు ఆనందం కలిగిస్తాయి. కనుక మీ హాబీలైన పెయింటింగ్, రచనలు, గార్డెనింగ్, డ్యాన్సింగ్ వంటివాటికి సమయం వారాంతంలో ఏర్పాటు చేయండి. హాబీ అనేది మీ మానసిక వికాసం. అది మిమ్మల్ని వారమంతా తాజాగా వుండేలా చేస్తుంది.

స్నేహితులతో సమావేశాలు చేయండి - స్నేహితులు, కుటుంబ సభ్యులతో కలసి ఆనందించండి. వారిని కలుసుకోవటానికి ఇదే మంచి సమయం కనుక కలసి ఏదైనా రిసార్టు లేదా క్లబ్ వంటి వాటిలో ఆనందించండి. ఇది అందరిని దగ్గరకు చేయటమే కాక మీకు విశ్రాంతినిస్తుంది.

కొంత శారీరక శ్రమ చేయండి - వ్యాయామం, నడక వంటివి వారంలో కష్టమవుతుంది. కనుక వారాంతంలో మీ శరీరానికి అవసరమైన శ్రమను నడక, సైకిలింగ్, వ్యాయామం, డ్యాన్స్ వంటివి మీ స్నేహితులతో కలసి దగ్గరలోని పార్క్ లో చేయండి. లేదా టెన్నిస్ , బేడ్మింటన్ ఆడండి. ఇది మీరు హాయి భావించేలా చేస్తుంది.

ఏదైనా ఒక గ్రూప్ లో చేరండి. టీమ్ వర్కు చేయండి. మీ కిష్టమైన రంగంలో సామాజిక కార్యక్రమాలు చేయండి. నలుగురికి ఉపయోగపడే పనులు చేస్తుంటే మీరు హాయి భావిస్తారు. మీరు వివిధ రంగాలలో చేసే పనులు మీ వృత్తిలో కూడా ఉపయోగపడే అవకాశం వుంటుంది.

మనకందరకు వారాంతపు సెలవులు కావలసిందే. కాని వాటిని మనం సవ్యంగా ఉపయోగించుకొని ప్రయోజనం పొందాలి. కనుక, మీ వారాంతపు సెలవులను ముందుగానే చక్కని ప్రణాళిక చేసి పూర్తి ప్రయోజనం పొందండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.