చేతి వేళ్ళ జాయింట్లకు సులభ వ్యాయామాలు!

Diet Fitness

oi-Nageswara

By B N Sharma

Published: Wednesday, April 25, 2012, 10:42 [IST]

కొంతమంది పని చేస్తున్నా, మాట్లాడుతున్నా, పనిలేక కూర్చున్నాతమ వేళ్ళ జాయింట్లను నొక్కి శబ్దం చేస్తూంటారు. అటువంటివారికి, ఎముకలు విరవటం టైమ్ పాస్ లేదా వేలి నొప్పిని తగ్గించుకోడానికి ఫిట్ నెస్ కలిగి వుండటానికి వ్యాయామమైనా అయ్యుండాలి. ఉద్యోగస్తులు కూడా టైప్ చేసేవారు రోజంతా టైప్ కొడితే వేళ్ళు తేలికగా నొప్పులు పెట్టేస్తాయి. వీరికి పని ఎక్కువ కారణంగా వేళ్ళ నొప్పి వచ్చే అవకాశం వుంది. అయితే, కణుపులు విరవటం ప్రత్యేకించి వేలి కణుపులు విరవటం హాని కలిగిస్తుంది అంటారు రీసెర్చర్లు. కనుక మీకు ఎపుడు వేలి నొప్పులు వచ్చినా తగ్గటానికి కింది వ్యాయామాలు పరిశీలించండి.

సాగతీయటం - వేళ్ళ నొప్పులు తగ్గించటానికి ఇది ఒక మంచి వ్యాయామం. పిడికిలి తెరచి వేళ్ళను సాగతీయండి. పిడికిలి మూయండి మరల తెరుస్తూ వేళ్ళను సాగతీయండి. వేళ్ళను వెనుకకు, ముందుకు కూడా వంచవచ్చు. వేళ్ళ కొనలను బయటకు చాచుతూ మరల ముడుస్తూ వుండాలి.

మణికట్టు చుట్టు తిప్పండి - వేళ్ళ కణుపుల నొప్పి, మణికట్టు నొప్పి రెండూ కలిసే వస్తాయి. అటువంటి నొప్పులు తగ్గటానికి, మీ మణికట్టు చూట్టూ తిప్పండి. చేతుల మణికట్టు లేదా రిస్ట్ భాగాన్ని క్లాక్ వైజ్, యాంటీ క్లాక్ వైజ్ దిశలలో తిప్పండి. ఈ వ్యాయామాలు ఎక్కడైనా, ఎపుడైనా ఎంత సమయమైనా చేసుకోవచ్చు.

వేళ్లతో నాట్యం - చిన్నపుడు మీ స్నేహితులను భయపెట్టేందుకు వేళ్ళను నాట్యం చేయించి వుంటారు. ఇపుడు అటువంటి పని చేస్తే మీ ఫింగర్ జాయింట్ పెయిన్ తేలికగా తగ్గిపోతుంది. రోజంతా టైప్ చేసి నొప్పి పొందటం సహజమే. కనుక మీ వేళ్ళతో కొంతసేపు ఆడండి. వివిధ రకాలుగా వేళ్ళను తిప్పండి. పైన చెప్పిన రీతిలో సాగతీయండి.

వేళ్ళను కలపండి - కొన్ని సార్లు వేళ్ళకు ఒత్తిడి కలిగినపుడు కూడా మీకు హాయి కలుగుతుంది. ఎందుకంటే కండరాలు ముడిచినా, సాగినా అది ఒక వ్యాయామంగా హాయినిస్తుంది. మీ రెండు అరచేతులు కలపండి వేళ్ళను ఒకదానిలో ఒకటి పెట్టి గట్టిగా ఒత్తండి. ఈ రకంగా ఒక 10 సెకండ్ల పాటు వుంచి రిలాక్స్ చేయండి. ఈ వ్యాయామం 4 లేదా 5 సార్లు చేయాలి.

ఈ సులభ వ్యాయామాలేకాక, ఇంటిలో మీ వేళ్ళను గోరువెచ్చటి నీటిలో కొద్దిసేపు వుంచటం వంటివి కూడా మీ వేళ్ళ కణుపుల నొప్పులు తగ్గిస్తాయి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.