ఎండ తీవ్రతనుండి రక్షించే ఆహారాలు!

Diet Fitness

oi-Nageswara

By B N Sharma

Published: Monday, June 18, 2012, 13:31 [IST]

మన శారీరక అందం చర్మంపైనే కాదు కనపడేది? అది మనలోపలకూడా వుంటుంది. ఎంత మేకప్ చేసుకున్నా, అలసిన, జీవంలేని కళ్ళు మనను ఆరోగ్యంగా చూపలేవు. అదే రకంగా ఎండనుండి రక్షణ అంటే, సన్ స్క్రీన్ లోషన్లు ముఖంపై రాయటమే కాదు లేదా టోపీలు పెట్టుకోవటం, చేతులకు గ్లోవ్స్ వంటివి వేసుకోవటం మాత్రమే కాదు. మీరు శరీరానికి లోపలినుండి కూడా రక్షణనివ్వాలి. మేము చెప్పే కొన్ని ఆహారాలు కనుక మీరు తింటే, ఎండ వేడి మీ చర్మానికి లోపలినుండి మంచి రక్షణ కల్పిస్తుంది. మీరు ఆరోగ్యవంతులుగా కనపడేలా చేస్తుంది.

ఎండనుండి మనం రక్షణ ఎందుకు కోరుకుంటాము? ప్రధానంగా మన చర్మం నల్లబడిపోకుండా, ముడుతలు రాకుండా, ఇతర హాని కలుగకుండా వుండేందుకు కోరుకుంటాము. అంతేకాదు, ఎండ దెబ్బ, స్కిన్ కేన్సర్ వంటివి కూడా వేడి ఎండ కలిగించి మిమ్మల్ని నష్టపరచకుండాను. మరి ఈ సమస్యలు పరిష్కరించాలంటే, సరైన ఆహారం తినడం మంచి మార్గం.

ఎండవేడినుండి రక్షించే ఆహారాలు -
1. గ్రీన్ టీ - చాలామంది టీ, కాఫీల ప్రభావాన్ని ఎండాకాలంలో గ్రహించలేరు. మరి వాటి ప్రభావం ఎండాకాలంటో బాగుండాలంటే, గ్రీన్ టీ తాగాలి. దీనిలో వుండే పుష్కలమైన యాంటీ ఆక్సిడెంట్లు, మీకు కావలసినంత శక్తినిస్తాయి. వయసు కనపడకుండా, కేన్సర్ వంటి వ్యాధులు కూడా రాకుండా చేస్తుంది. కనుక గ్రీన్ టీ తాగి శరీరానికి రక్షణ కల్పించండి.

2. కొబ్బరి నీరు - తాగితే చాలు శరీరం చల్లబడుతుంది. ఎండ దెబ్బలు తగలరాదు, మూత్రం సమస్యలుండరాదు అంటే, కనీసం రోజుకు ఒక కొబ్బరి బొండాం నీరు తాగాలి. ఎండలో మధ్యాహ్నం బయటకు వచ్చారా? తప్పకుండా ఒక కొబ్బరి బొండాం నీరు తాగి శరీరాన్ని చల్లగా వుంచండి.

3. కోకో - ఎండనుండి రక్షణకు కోకో మంచి ఆహారం. కోకో లో యాంటీ ఆక్సిడెంట్లు అధికం. ఇవి చర్మ కేన్సర్ రాకుండా చేస్తాయి. మంట కలుగనివ్వవు. వేసవిలో శరీరం హాయిగా వుంటుంది. తీపిలేని కోకో కలిపిన పాలు లేదా చల్లని నీరు మీ శరీరానికి ఎంతో మేలు చేస్తాయి.

4. పచ్చటి కూరలు - పచ్చటి కూరగాయలు ఎప్పటికి ఆరోగ్యానికి మంచివే. వీటిలో, ఐరన్, విటమిన్లు, మినరల్స్, వంటివి మిమ్మల్ని ఆరోగ్యంగా వుంచటమే కాదు, ఎండనుండి కూడా రక్షిస్తాయి. అమెరికాలోని జాన్స్ హాప్ కిన్స్ యూనివర్శిటీ బ్రక్కోలి సన్ స్క్రీన్ గా బాగా పనిచేస్తుందని తన పరిశోధనలో నిరూపించింది. పరిశోధన మేరకు ప్రతిరోజూ బ్రక్కోలి తింటే, స్కిన్ కేన్సర్ కూడా రాదట.

5. చేప - చేపలో వుండే ఒమేగా 3 ఫ్యాటీ యాసిడ్లు గుండెకు ఆరోగ్యం ఇవ్వటమే కాదు, అవి మీకు చర్మ రక్షణ కూడా కలిగిస్తాయి. చేప నూనెలు స్కిన్ కేన్సర్, మెలనోమా వంటివాటినుండి రక్షణ కల్పిస్తాయి. కనుక సీ ఫుడ్ మరియు చేపలు వంటివి మిమ్మల్ని ఎండదెబ్బనుండి కాపాడతాయి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.