పీరియడ్స్ సమయంలో నిద్రలేమి సమస్యలను నివారించే 8 ఎఫెక్టివ్ హోం రెమెడీస్..!

1. కెఫిన్ ఉన్న ఆహార పానియాలకు దూరంగా ఉండాలి:

కెఫిన్ ఉండే కాఫీలు, టీలు తాగడం వల్ల నిద్రను పాడు చేస్తుంది. మెనుష్ట్రువల్ పెయిన్, క్రాంప్స్ తగ్గించుకోవడానికి టీ, కాఫీలను ఎక్కువగా తాగుతుంటారు. అయితే ఇవి నిద్ర మీద తీవ్ర ప్రభావం చూపుతాయి. దాంతో నిద్రలేమి సమస్య. కాబట్టి, పీరియడ్స్ సమయంలో కెఫినేటెడ్ పదార్థాలకు దూరంగా ఉండటం మంచిది.

2.రాత్రి నిద్రించడానికి ముందు ఆల్కహాల్ తీసుకోకపోవడం మంచిది:

ఆల్కహాల్ నిద్రలేమికి కారణమవుతుంది. ఆల్కహాల్ తాగడం వల్ల రాత్రుల్లో మద్యమద్యలో నిద్రలేవాల్సి వస్తుంది. ముఖ్యంగా పీరియడ్స్ సమయంలో ఆల్కహాల్ తీసుకోకూడదు. నిద్రలేమికే కాదు, ఇతర అనారోగ్య సమస్యలకు కూడా కారణమవుతుంది.

3.రాత్రి నిద్రించడానికి ముందు వ్యాయామం చేయకూడదు:

పీరియడ్స్ సమయంలో వ్యాయమం చేయడం వల్ల నిద్రలేమి సమస్యలు.ఎక్కువ శ్రమకలిగించే, కండరాలనొప్పులు కలిగించే వ్యాయామాలు కాకుండా, సింపుల్ గా బ్రిస్క్ వాక్, జాగింగ్ వంటివి చేయడం వల్ల మంచి నిద్రపడుతుంది.

4. విటమిన్ డి:

విటమిన్ డికి మంచి మూలం సూర్య రశ్మి. ఉదయం పడే లేలేత సూర్య కిరణాల నుండి శరీరం విటమిన్ డి గ్రహిస్తుంది. విటమిన్ డి సప్లిమెంట్ తినడం కంటే, ఎండలలో కొద్ది సమయం ఉండటం మంచిది. ఇది లెప్టిన్ అనే హార్మోన్ ను ఉత్పత్తి చేస్తుంది. ఇది పొట్ట ఉబ్బరం నివారిస్తుంది. మంచి నిద్రపట్టడానికి సహాయపడుతుంది.

5. ద్రవాలు ఎక్కువగా తీసుకోవడం:

డే టైమ్ లో ద్రవాలు ఎక్కువగా తీసుకోవడం వల్ల శరీరంలో సోడియం ఫ్లష్ అవుట్ అవుతుంది. పొట్ట ఉబ్బరాన్ని నివారిస్తుంది. పీరియడ్స్ సమయంలో ఎక్కువగా పొట్ట ఉబ్బరం సమస్యలను నివారించుకోవడానికి ద్రవాలు ఎక్కువగా తీసుకోవాలి.

6. క్యాల్షియం:

రోజూ శరీరానికి సరిపడా క్యాల్షియం అందుతుందో లేదో చూసుకోవాలి. పొట్ట ఉబ్బరం తగ్గించే వాటిలో క్యాల్షియం కూడా ఒకటి. నిద్రలేమి సమస్యను నివారించడంలో క్యాల్షియం కూడా సహాయపడుతుంది.అందువల్ల క్యాల్షియం ఎక్కువగా ఉండే ఆహారాలకు ఎక్కువ ప్రాధాన్యత ఇవ్వాలి.

7. స్నాక్స్ తీసుకోవడం మానేయాలి:

నిద్రించడానికి ముందు ఎక్కువ స్నాక్స్ తినడం మానేయాలి. ముఖ్యంగా పీరియడ్స్ సమయంలో స్నాక్స్ , స్వీట్స్ తినడం తగ్గించాలి. పొట్ట నిండుగా ఉన్న అనుభూతితో జీర్ణమవ్వడానికి ఎక్కువ సమయం తీసుకుంటుంది. ఇవి నిద్రలేమికి కారణమవుతాయి.

8. నట్స్ తినాలి:

రాత్రుల్లో ఎక్కువ ఆకలిగా ఉన్నట్లైతే కొన్ని నట్స్ తినడం మంచిది. ఇవి నిద్రలేమి సమస్యను నివారించడంలో గ్రేట్ గా సహాయపడుతాయి.