పుదీనా ఆవిరితో జలుబు మాయం! మరికొన్ని ఉపయోగాలు కూడా..!

రోగనిరోధక శక్తిని పెంచుతాయి.

ఈ ఆకుల్లో క్యాల్షియం, ఫాస్ఫరస్‌, విటమిన్‌ సి, డి, ఇ-లతోపాటు తక్కువ మొత్తంలో విటమిన్‌ బి కాంప్లెక్స్‌ ఉంటుంది. ఇవన్నీ మన రోగనిరోధక శక్తిని పెంచుతాయి.

పుదీనా జీర్ణక్రియకు తోడ్పడుతుంది.

కడుపు నొప్పి, మంటను తగ్గిస్తుంది. మలబద్ధకంతో బాధపడేవారు పుదీనాను తరచూ తీసుకోవడం వల్ల ఆ సమస్య తగ్గుతుంది. భోజనం తర్వాత ఓ కప్పు పుదీనా టీ తీసుకోవడం వల్ల అజీర్తి సమస్య ఎదురుకాదు.

దంత క్షయాన్ని నివారిస్తాయి.

పుదీనాలో యాంటి ఇన్‌ఫ్లమేటరీ, యాంటీ బ్యాక్టీరియల్‌ గుణాలు ఎక్కువ. ఇవి రకరకాల ఇన్ఫెక్షన్లూ, నొప్పుల నుంచి మనల్ని కాపాడతాయి. దంత క్షయాన్ని నివారిస్తాయి. దంతాలూ, నాలుకనూ శుభ్రం చేసి నోటి దుర్వాసనను పోగొడతాయి. ప్రతిరోజూ కొన్ని పుదీనా ఆకులను నమలడం వల్ల దంత సమస్యలు రాకుండా నిరోధించవచ్చు.

జలుబూ, దగ్గు నివారిస్తుంది

జలుబూ, దగ్గుతో బాధపడుతున్నప్పుడు వేడినీటిలో పుదీనా ఆకులను వేసి ఆవిరి పట్టి చూడండి. అలాగే ఈ వేడి ఆవిరిని నోటితో పీల్చి ముక్కుతో వదిలేయాలి. ఇలా చేయడం వల్ల ముక్కు, నోరు, గొంతు శుభ్రపడతాయి. గాలి పీల్చడానికి ఇబ్బంది ఉండదు.

అలర్జీలనూ, ఆస్తమానూ తగ్గిస్తాయి.

పుదీనాలో ఉండే యాంటీ ఆక్సిడెంట్లూ రకరకాల అలర్జీలనూ, ఆస్తమానూ తగ్గిస్తాయి.

నెలసరి సమయంలో వచ్చే నొప్పులను పుదీనా నియంత్రిస్తుంది.

నెలసరి సమయంలో వచ్చే నొప్పులను పుదీనా నియంత్రిస్తుంది. గర్భిణులకు ఉదయం పూట ఎదురయ్యే బడలికనూ, అసౌకర్యాన్నీ నివారించడంలోనూ పుదీనా అద్భుతంగా పనిచేస్తుంది.

మెమరీ పెంచుతుంది:

పుదీనా రెగ్యులర్ డైట్ లో చేర్చుకుంటే బ్రెయిన్ అలర్ట్ నెస్ పెరుగుతుంది, మతిమరుపు తగ్గిస్తుంది. అందువల్ల పుదీనాను ఏదో ఒక రకంగా రోజువారి ఆహారాల్లో చేర్చుకోవడం, లేదా మింట్ రిఫ్రెష్ నెస్ చూయింగ్ గమ్ నమలడం కూడా మంచిదే.