ఆర్జీవీ ఆ పని చేసినందుకు సెటైర్లు వేస్తున్న నెటిజన్లు...

వెరైటీగా లైటర్ తో...

అందరిలా చేస్తే వెరైటీ ఏముంటుంది... తను ఏది చేసినా వెరైటీగా చేస్తా.. స్టైట్ గా చేసేస్తా.. అని ఎప్పుడూ చెప్పే రామ్ గోపాల్ వర్మ ఆదివారం రాత్రి సరిగ్గా 9 గంటలకు తన లైటర్ తో సిగరెట్ వెలిగించాడు. కేవలం కొన్ని సెకన్ల పాటు ఉండే ఆ వీడియోను సోషల్ మీడియాలో కూడా పోస్ట్ చేశాడు.

నెటిజన్ల సెటైర్లు...

అందరూ కరోనా చీకట్లను తరమికొట్టేందుకు దేశాన్ని దీపకాంతులతో దేదీపమ్యమానంగా వెలిగించారు. ప్రధాని మోడీ పిలుపు మేరకు ప్రతి ఒక్కరూ కొవ్వొత్తులు, దీపాలు వెలిగిస్తే.. కొందరు కాగడాలను కూడా వెలిగించాయి. దీనిపై నెటిజన్లు తమదైన శైలిలో కామెంట్లు చేశారు.

కరోనా పాటపై కూడా..

అంతేకాదు అంతకుముందు ఆర్జీవీ సొంతంగా పాడి యూట్యూబ్ లో విడుదల చేసిన పాటకు సంబంధించి కూడా నెటిజన్లు వేశారు. అందులో కొన్నింటిని మనం ఇప్పుడు చూద్దాం.. ‘నువ్వు ఆపకుంటే నా బుర్ర తిరుగు.. నోట్లోంచి వచ్చేలా ఉంది నురుగు.. నీ పాట విని జనాలు అందరూ ఇంట్లోకి పరుగు.. ఎందుకంటే బయట ఉంది ఆ పురుగు‘ అని కామెంట్ చేశారు. దీనికి వేల సంఖ్యలో లైకులు, వందల సంఖ్యలో సానుకూల స్పందనలు వస్తున్నాయి.

మరికొందరు నెటిజన్లు..

‘కరోనాకి ఏ మాత్రం సిగ్గు, శరం ఉన్నా ఆర్జీవీ పాట విన్న వెంటనే చచ్చిపోవడం ఖాయం‘

‘అతని పేరు వర్మ.. అతని కంట పడటం కరోనా కర్మ.. దాన్ని చేశాడు బంగాళ దుంప కుర్మా‘

‘ఆర్జీవీకి దూరంగ జరుగు.. లేకపోతే అంటుకుంటుంది పురుగు.. తర్వాత నీ ఒళ్లంతా మరుగు.. చివరికి నీ ఆయుష్ తరుగు‘ అంటూ రకరకాల సెటైర్లు వేశారు నెటిజన్లు.

సినీ ప్రముఖులు..

మోడీ పిలుపునకు సినీ, రాజకీయ ప్రముఖులు స్పందించి దేశ ఐక్యతకు మద్దతుగా తమ ఇళ్లల్లో దీపాలు వెలిగించి అందరికీ ఆదర్శంగా నిలిచారు. ముఖ్యంగా మెగాస్టార్ చిరంజీవి తన కుటుంబంతో కలిసి తమ ఇంటి ముందు దీపాలు పట్టుకుని నిలబడ్డారు. అలాగే అల్లుఅర్జున్, అల్లుఅరవింద్, వెంకటేష్, నాగార్జున, మహేష్ బాబు, మనోజ్, రజనీకాంత్ తో పాటు ఇంకా ఎందరో ప్రముఖులు కొవ్వొత్తులు వెలిగించి ఆ ఫొటోలను ట్వీట్ చేశారు. ప్రస్తుతం అవి సోషల్ మీడియాలో బాగా వైర్ అయ్యాయి.