ఆ ఇల్లే ఓ కెమెరా... అక్కడ ఎవరెళ్లినా వెంటనే క్లిక్ మని ఫొటో తీసేస్తుంది...!

కేక పుట్టిస్తున్న కెమెరా హౌస్..

కర్నాటక రాష్ట్రం బెల్గాంకు చెందిన రవి ఫొటోగ్రఫీని కెరీర్ గా ఎంచుకున్నాడు. అతని అభిరుచి మేరకు అచ్చం కెమెరా లాంటి ఇంటిని నిర్మించుకుని అందరి దృష్టిని ఆకర్షిస్తున్నాడు. ఇల్లు నిర్మించేటప్పుడు, ప్రతి ఒక్కరికీ ఏవేవో కోరికలు ఉంటాయి. అయితే అందరికీ అవి నెరవేరవు. ప్లేస్ తక్కువగా రావడమో.. ఉన్న ప్లేసులో తమకు నచ్చిన డిజైన్ ఎలా నిర్మించాలో అని మదన పడుతూ ఉంటారు. అయితే తనకు ఉన్న తక్కువ స్థలంలోనే అందమైన కెమెరా హౌస్ ను నిర్మించి అందరిచేత శభాష్ అనిపించుకుంటున్నాడు రవి.

అందరి కళ్లు ఆ ఇంటిపైనే..

అతను ఎప్పుడైతే ఆ ఇంటి నిర్మాణం పూర్తి చేశాడో.. ఆ ఊరిలో ఉండే అందరి కళ్లు తన ఇంటిపైనే పడ్డాయి. అంతలా అందరినీ ఆకట్టుకుంటోది ఆ కెమెరా హౌస్. ఈ ప్రత్యేకమైన డిజైన్ లో రీల్ కూడా ఉంది.

ఫోటోగ్రఫి క్రేజ్

రవికి చిన్నప్పటి నుండి ఫోటోగ్రఫీపై క్రష్ ఉండేది. అతను తన పెంటాక్స్ కెమెరాను తీసుకొని గ్రామాలకు వెళ్లి ఫోటోలను కెమెరాలో బంధించేవాడు. అలా ఫోటోగ్రఫీ ఇతనికి ఒక అభిరుచిగా మారింది. ఆ తర్వాత ఇదే ఒక వృత్తి మారింది.

పిల్లలకూ కెమెరా పేర్లే..

ఇతను వివాహం చేసుకున్న తర్వాత, పుట్టిన పిల్లలకు కూడా ఎప్సన్, కేనన్, నికాన్ (కంపెనీ బ్రాండ్లు) పేర్లనే పెట్టారు. చూశారా తనకు కెమెరా అంటే ఎంత ప్రేమో... ఇలాంటి వారు చాలా అరుదుగా ఉంటారు. ఈ కెమెరా హౌస్ సోషల్ మీడియాలో సైతం వైరల్ అయ్యింది. ఈ ఇంటిపై నెటిజన్లు తమదైన శైలిలో కామెంట్లు చేస్తున్నారు.

All Images Credited to FB