బేబీ పుట్టినా బరువెక్కకండి!

Post Natal

oi-Nageswara

By B N Sharma

Published: Friday, October 21, 2011, 7:57 [IST]

గర్భం దాల్చిన తర్వాత ఎన్నో ఆరోగ్య సమస్యలకు తట్టుకుని, పునర్జన్మ అనే కాన్పు పొంది, పండంటి బిడ్డను కంటారు. ఎంతో ఆనందం. కాని మీ శారీరక సమస్యలు మరికొంత కాలం పాటు కొనసాగుతాయనేది గుర్తుంచుకోండి. వాటిలో ప్రధానంగా బిడ్డ పుట్టిన తర్వాత మహిళలు కొద్దిపాటి బరువుతో మొదలై అధిక బరువు సంతరించుకుంటారు. మహిళలకు బిడ్డ పుట్టిన తర్వాత పొట్ట సాగుతుంది. గత తొమ్మిది నెలలుగా బిడ్డ గర్భంలో వుండటంచే అది బిడ్డకు వసతి కల్పించేందుకు పెద్దదవుతూంటుంది. అలా పెద్దదైన పొట్ట భాగం త్వరగా మీకు తగ్గదు. దానికి గాను రెగ్యులర్ గా కొన్ని వ్యాయామాలు చేయవలసి వుంది.

ఈ వ్యాయామాలు ప్రత్యేకించి పొత్తి కడుపు భాగానికి అంటే పొట్ట దిగువ భాగానికి చేయాలి.
1. తిన్నగా నిలబడి పొట్టను లోపలికి లాగండి. శ్వాస సాధారణంగా వుండాలి.
2. వెల్లకిలా పరుండి పాదాలు నేలపై వుంచి కాళ్ళు ఇరువైపులకు వంచండి. మీ తల మెల్లగా పాదాలకు ఆనేలా చేయండి.
3. వెల్లకిలా పరుండి కాళ్ళు వంచండి. చేతులు తల వెనుక పెట్టి ఏ సపోర్టు లేకుండా పైకి లేవండి. మోకాళ్ళకు మీ ఎడమ మోచేయి తగిలించండి.
4. వెల్లకిలా పరుండి పిరుదులకింద చేతులు పెట్టుకోండి. వీపు నేలకు ఆనాలి. ఒక కాలును 10 అంగుళాలు పైకి లేపండి. కొద్ది సేపు నిలపండి. ఇదే రకంగా రెండవ కాలు కూడా చేయండి.
5. డెలివరీ అయిన 12 వారాల తర్వాత మీరు పుష్ అప్ లు కూడా చేయవచ్చు.

సులభమైన ఈ వ్యాయామాలు చేస్తూ డెలివరీ తర్వాతి ఆహార ప్రణాళికను ఆచరిస్తే కొద్ది రోజులలో ఫిట్ నెస్ సంతరించుకుంటారు.