ప్రసవానంతరం మహిళ శారీరక ఫిట్ నెస్ పొందాలంటే....!

Post Natal

oi-Nageswara

By B N Sharma

Published: Thursday, October 13, 2011, 9:33 [IST]

చాలామంది మహిళలు డెలివరీ తర్వాత వారి పొట్టను మరల ఒరిజినల్ పొజిషన్ లోకి తెచ్చుకోవాలంటే చాలా కష్టాలు పడతారు. పైగా బిడ్డను సాకటంతో వారకై వారు సమయం కేటాయించుకోవడం కష్టమవుతుంది. ప్రసవం తర్వాత పోయిన ఎనర్జీలను, పూర్వపు శారీరక రూపాన్ని తిరిగి పొందేందుకు మహిళకు వ్యాయామాలు అత్యవసరం. అయితే ఈ వ్యాయామాలను డెలివరీ అయిన వెంటనే మొదలు పెట్టరాదు. కొద్దిపాటి బలం పుంజుకున్న తర్వాత వ్యాయామాలు మొదలు పెట్టాలి. మొదలు పెట్టేముందు వైద్యుడిని కూడా సంప్రదించటం మంచిది. సిజేరియన్ అయితే దీర్ఘకాలం విశ్రాంతి అవసరం. చేసే వ్యాయామాలు చాలా సరళంగా వుండాలి. నడక వంటి వాటితో మొదలుపెట్టాలి. బిడ్డ పుట్టిన తర్వాత మహిళ ఏ రకమైన వ్యాయామాలు చేయాలో పరిశీలిద్దాం!

1. నేలపై పరుండి నడుముకు సంబంధించిన తేలికైన కదలికలు చేయాలి. బ్లాడర్, బవెల్స్, వూంబ్, వెన్నెముక చివరి భాగం అన్నీ కదులుతాయి. కడుపు భాగానికి వ్యాయామం అవసరం. కూర్చోవటం, తిన్నగా నిలబడటం లేదా వెల్లకిలా పరుండి మోకాళ్లు వంచటం, కాళ్ళు వెడంగా పెట్టటం వంటివి చేయాలి. మూత్ర విసర్జన కండరాలను బిగిస్తూ పటుత్వం కలిగించాలి. ప్రతి బిగింపుకు మధ్య కొద్దిపాటి విశ్రాంతి నివ్వాలి.
2. వెల్లకిలా పరుండి మోకాళ్ళు వంచండి. వాటిని పొట్టవరకు లాగి వదులుతూండండి. వీటికి కూడా మద్యలో విశ్రాంతినివ్వాలి. ఈ వ్యాయామాలు చేసేటపుడు శ్వాస సాధారణంగానే వుండాలి. ప్రతిరోజూ చేయాలి. పక్కలకు తిరిగి పరుండి కాలు లేపటం, కూర్చుని లేవటం చేయాలి.
3. వెల్లకిలా పరుండి మెల్లగా ఒక మోకాలు పైకి లేపి దానికి వ్యతిరేక దిశలో వున్న చేతితో అందుకోండి. పొట్టకు పూర్వపు స్ధితి రావాలంటే, ఇది మంచి వ్యాయామం.
4. వెల్లకిలా పరుండి మోకాళ్ళు పొత్తికడుపు భాగానికి తగిలిస్తూచేతులు తొడలపై పెట్టుకోవడం డెలివరీ తర్వాత చేయగల మంచి వ్యాయామం. ప్రతిరోజూ 10 నుండి 12 సార్లు చేస్తూంటే పొట్ట భాగం బలాన్ని సంతరించుకుంటుంది.
5. నేలపై బోర్లా పడుకొని మో చేతులపై పైకి లేవండి. పొట్టను బిగించి కాళ్ళు వెనుకకు తన్నండి.
6. నేలపై కూర్చుని చేతులను ఎడమకు, కుడికి తిప్పండి. వెనుక భాగానికి బలం చేకూరుతుంది.

ఈ వ్యాయామాలతో పోయిన బలాన్ని మరోమారు పుంచజుకోండి. గతంలోని మీ సన్ననైన పొట్టను మరోమారు పొందండి.