కొత్త జంటలూ....కోరండి ఇలా.....!

Pre Natal

oi-Nageswara Sharma

By B N Sharma

Published: Monday, September 5, 2011, 15:00 [IST]

కొత్తగా పెళ్ళి అయిన జంటలు, సమస్యలు రాకుండా వుండేందుకు, తల్లి, బిడ్డల ఆరోగ్యం సరిగా వుండేందుకు సాధారణంగా పెళ్ళైన కొత్తల్లోనే వచ్చే ప్రెగ్నెన్సీని తమకు అనుకూలంగా వుండేట్లు ప్లాన్ చేసుకోవాలి. దీనివలన, యువతికి తగినంత సామర్ధ్యం ఏర్పడి ఆరోగ్య సమస్యలు, లేదా పుట్టిన బిడ్డ చనిపోవటాలు లేదా గర్భ విచ్ఛిన్నాలు రాకుండా వుంటాయి. ప్లానింగ్ ఎలా చేయాలి?

1. మహిళ రుతుక్రమాన్ని అనుసరించి ఫలదీకరణ సమయంలో రతిక్రీడను ఆచరించి గర్భం కలిగించవచ్చు. గర్భాశయం నుండి అండం రిలీజ్ అయిన తర్వాత చేసిన రతిక్రీడలు గర్భం దాల్చటానికి మంచి ఫలితాలనిస్తాయి. రుతుక్రమానికి 14 రోజుల ముందే అండం ఏర్పడటం మొదలుపెడుతుంది.
2. గర్భం వచ్చే ఆహార పదార్ధాలు మహిళ తీసుకోవాలి. మహిళలలో ఫలదీకరణకు అనువైనవి నట్స్, ఆలివ్ ఆయిల్, అవకాడో మొదలైనవి. స్పెర్మ్ కౌంట్ పెరగాలంటే సీఫుడ్స్, ఆకు కూరలు, ఇతర కూరగాయలు, ఓట్ మీల్, స్వీట్ పొటాటోలు మొదలైనవి తినాలి. సరి అయిన ఆహారం అండ నిర్మాణాన్ని, రుతుక్రమాన్ని ప్రభావిస్తుంది.
3. ప్రధానంగా గర్భం రావాలనుకునేవారు పొగ తాగరాదు. పొగతాగితే అండాశయంతో సంబంధం వున్న రక్తనాళాలు మూసుకుపోగలవని డాక్టర్లు చెపుతారు. నరాల ఉద్రిక్తతను కలిగించే కేఫేన్ వినియోగం కూడా వదిలేయాలి.

ప్రెగ్నెన్సీ కావాలనుకునేవారికి ఈ మూడు అంశాలు ముఖ్యమైనవి. తగిన వ్యాయామాలు చేసి శారీరక సామర్ధ్యం పెంచుకోవాలి. అన్నిటికి మించి మీ శారీరక సామర్ధ్యాన్ని పరీక్షించి సలహాల నివ్వగల వైద్యులను సంప్రదించాలి.