జూనియర్ ఎన్టీఆర్ కి ఎంతో ఇష్టమైన ఫైనాఫిల్ కర్రీ..మీ ఇంట్లోనే ఈజీగా ఇలా చేసుకోండి,రుచి అమోఘం

టాలీవుడ్ యంగ్ టైగర్ ఎన్టీఆర్ కి చాలా ఇష్టమైన వంటకాల్లో ఫైనాఫిల్ కర్రీ కూడా ఒకటి. నటుడు రాజీవ్ కనకాల ఇటీవల ఓ ఇంటర్వ్యూలో ఎన్టీఆర్ తనకు ఓ సందర్భంలొ ఫైనాఫిల్ కర్రీని చేసిపెట్టాడని, అది చాలా టేస్టీగా ఉందని ఉన్నారు. ఆ ఇంటర్వ్యూ తర్వాత చాలామంది ఫైనాఫిల్ కర్రీ రెసిపీ కోసం గూగుల్ లో తెగ సెర్చ్ చేస్తున్నారు. తీపి, పుల్లని రుచుల కలయికతో చాలా అద్భుతంగా ఉంటుంది ఈ కర్రీ. జూనియర్ ఎన్టీఆర్ కి ఇష్టమైన ఫైనాఫిల్ కర్రీని మీరు కూడా మీ ఇంట్లో ఎలా తయారుచేసుకోవచ్చో ఇక్కడ చూడండి.

ఫైనాఫిల్ కర్రీ తయారీకి కావలసిన పదార్థాలు
-ఫైనాఫిల్ ముక్కలు
-ఉప్పు
-కారం
-జీలకర్ర
-ఎండు కొబ్బరి
-చింతపండు
-ఎండుమిర్చి
-నువ్వులు
-పచ్చి శెనగపప్పు
-ఆయిల్
-కరివేపాకు
-కొత్తిమీర
-ఆవాలు

ఫైనాఫిల్ కర్రీ తయారీ విధానం

-నిమ్మకాయ సైజు అంత చింతపండుని నీటిలో నానబెట్టండి

-తర్వాత ఓ ఫైనాఫిల్ ని తీసుకోండి. మరీ పచ్చిగా ఉండకూడదు, మరీ పండుగా ఉండకూడదు. మీడియంగా ఉండాలి. పైన తొక్కు మొత్తం తీసేసి ఫైనాపిల్ ను చిన్న ముక్కలుగా కట్ చేసుకోవాలి.

-ఫైనాఫిల్ ముక్కలను ఓ బౌల్ లో వేసి అందులో అర స్పూన్ ఉప్పు వేసి నీళ్లతో బాగా శుభ్రంగా కడుక్కోవాలి.

-తర్వాత స్టవ్ ఆన్ చేసి ఓ కాడాయి పెట్టి అందులో రెండు గ్లాసుల నీళ్లు పోయాలి. ఇందులో శుభ్రంగా కడిగిన ఫైనాఫిల్ ముక్కలు వేసి 10 నిమిషాలు ఉడికిస్తే సరిపోతుంది.

-తర్వాత స్టవ్ మీద మరో కడాయి పెట్టి అందులో 1 స్పూన్ పచ్చి శెనగపప్పు, 10 ఎండుమిర్చి, 1 స్పూన్ జీలకర్ర, 1 స్పూన్ నువ్వులు వేసి తక్కువ మంట మీద ఆయిల్ లేకుండానే ఒట్టిగానే వేయించుకోవాలి.

ఆంధ్రా స్పెషల్ గోంగూర చికెన్ బిర్యానీ..ఇలా చేశారంటే మతి పోయే రుచి

-గోల్డెన్ బ్రౌన్ కలర్ వచ్చేదాకా వేయించుకున్నాక దించేసి కాసేపు చల్లారక ఈ మొత్తాన్ని మిక్సీ గిన్నెలో వేసి ఇందులోనే కొన్ని పచ్చి కొబ్బరి ముక్కలు,నానబెట్టిన చింతపండు కూడా వేసి అవసరమైతే కొద్దిగా నీళ్లు కూడా పొసుకొని పేస్ట్ లా గ్రైండ్ చేసుకోవాలి.

-తర్వాత స్టవ్ ఆన్ చేసి కడాయి పెట్టి అందులో ఒకటిన్నర స్పూన్ ఆయిల్ వేడి చేసి అందులో అర స్పూన్ ఆవాలు, అర స్పూన్ జీలకర్ర, 2 రెమ్మల కరివేపాకు వేసి వేయించాక ఇందులో ముందుగా రెడీ చేసుకున్న మసాలా పేస్ట్ వేసి కలిపి లో ఫ్లేమ్ మీద కలుపుతూ బాగా ఫ్రై చేయాలి.

-తర్వాత అందులో 1 స్పూన్ కారం, 1 స్పూన్ ఉప్పు వేసి మొత్తం మిక్స్ అయ్యేలా బాగా కలపండి.

-తర్వాత అందులో ఉడికించిన ఫైనాఫిల్ ముక్కలు వేసి మెల్లగా కలపాలి. తర్వాత అందులో 1 గ్లాస్ నీళ్లు పోసి కలిపి మూతపెట్టి 10 నిమిషాలు ఉడికించాలి. అంతే ఫైనాఫిల్ కర్రీ రెడీ.