నోరూరించే ఫ్రెంచ్ ఫ్రైస్ టైప్ లో బంగాళదుంపల చిప్స్ ఇంట్లోనే ఇలా సింపుల్ గా రెడీ..

రోజూ సాయంత్రం అయిందంటే చాలు, నోటీకి జిహ్వకి ఏదైనా వరైటీగా తగాలాల్సిందే. ఇక పిల్లలు ఉండే ఇల్లు అయితే తప్పనిసరిగా స్నాక్స్ కావాల్సి మెండిచేస్తుంటారు. బయట బేకరీలు, స్వీట్ షాపుల్లో దొరికే స్నాక్స్ మనం ఇంట్లోనే తయారుచేసి పెడితే ఎవరికి ఇష్టం ఉండదు చెప్పండి. రోజూ ఒకేరకమైన స్నాక్ ఇష్టపడని వారు కాస్త బయట షాపుల్లో తయారుచేసే వాటిని ప్రయత్నించి ఇంట్లోవారికి సర్ ప్రైజ్ చేయవచ్చు.

అలాంటి చిరుతిండ్లలో బంగాళదుంపల చిప్స్. కాస్త వరైటీగా క్రిస్పీగా తయారుచేస్తే పిల్లలు బాగా ఇష్టంగా తింటారు. ముఖ్యంగా సాయంత్రం పూట టీ-కాఫీతో పాటు ఈ చిప్స్ వంటి స్నాక్స్ తీసుకుంటే దాని రుచి వేరు.

చిప్స్ అనగానే మనకు వెంటనే అరటిపండు మరియు బంగాళదుంప బేకరీ చిప్స్ గుర్తుకొస్తాయి. ఇప్పుడు అక్కడ హాట్ చిప్స్ తయారు చేసి సర్వ్ చేస్తారు. అవి చాలా రుచిగా ఉంటాయి. అయితే దీన్ని ఎలా చేయాలనేది పెద్ద ప్రశ్న, కాబట్టి వీధిలో వేయించిన చిరుతిళ్లకు దూరంగా ఉండాలని మనస్సు ఎల్లప్పుడూ చెబుతుంది.

అయితే ఈ చిరుతిళ్లను ప్రతి ఒక్కరూ ఇంట్లోనే చేయడానికి ఇష్టపడతారు. అయితే ఎలా చేస్తారనేది చాలామంది ప్రశ్న. రెండు బంగాళదుంపలను ఉపయోగించి ఫ్రెంచ్ ఫ్రైస్ ఆకారంలో చిప్స్ ఎలా తయారు చేయాలో చూద్దాం.ఇది కాస్త స్పైసీగా ఉన్నప్పటికీ పిల్లలు ఇష్టపడతారు.

కాబట్టి మీరు ఈ బంగాళదుంప చిప్స్ ఎలా తయారు చేస్తారు? దాని తయారీకి కావలసిన పదార్థాలు ఏమిటి? ఎలా తయారు చేయాలో ఇక్కడ తెలుసుకుందాం.

కావలసిన పదార్థాలు:

బంగాళదుంపలు - 3
మొక్కజొన్న పిండి
పసుపు
ఇంగువ
కారంపొడి
ఉప్పు
నూనె
కరివేపాకు

తయారుచేయు విధానం:

1. ముందుగా బంగాళదుంప తొక్క తీసి నీటిలో వేయాలి. తర్వాత చిన్న ముక్కలుగా తురుముకోవాలి. మీకు తురుము పీట లేకపోతే, దానిని కత్తితో చిన్న ముక్కలుగా, సన్నగా పొడవుగా కట్ చేసుకోండి. ఉల్లిపాయ లాగా సన్నగా ఉన్నప్పుడు, చిన్న ముక్కలుగా పొడవుగా కట్ చేసుకోండి.

2. కత్తిరించిన బంగాళాదుంపలను నీటిలో వేసి అరగంట పాటు నానబెట్టండి. తర్వాత ఈ బంగాళదుంపలను బాగా కడిగిగాలి. మూడుసార్లు మంచినీళ్లు పోసి కడిగేయాలి. తర్వాత వాటిని ఒక కాటన్ గుడ్డ లేదా టిష్యూపేపర్ పై వేసి బాగా ఆరనివ్వాలి. బంగాళాదుంపలలో నీటి శాతం పూర్తిగా తొలగిపోవాలి.

3. తర్వాత ఈ బంగాళదుంపను తీసుకుని అందులో ఉప్పు, ఇంగువ, పసుపు, కారపు పొడి కలపాలి.

4 . తర్వాత అందులో కార్న్ ఫ్లోర్ కలపాలి. బంగాళదుంపలు ఎంత పొడిగా ఉంటే, చిప్స్ అంత క్రీస్పీగా వస్తాయి.

5. దీని తరువాత, స్టౌ మీద ఫ్రైయింగ్ పాన్ పెట్టి అందులో నూనె వేసి వేడిచేయాలి, అందులో కట్ చేసిన బంగాళాదుంపలను వేసి, బంగాళదుంపలు గోధుమ రంగులోకి వచ్చే వరకు బాగా నూనెలో వేగించాలి.

6. ఇలా మొత్తం తయారుచేసుకున్న తర్వాత, చివరగా కరివేపాకు వేసి వేయించి దాన్ని క్రీస్పీ బంగాళదుంపల చిప్స్ లో వేసి బాగా మిక్స్ చేసి క్రిస్పీగా సర్వ్ చేయవచ్చు.

ఈ చిప్స్ ను స్టీల్ డబ్బాలో ఉంచితే వారం రోజుల పాటు నిల్వ ఉంటాయి.