స్వీట్ అండ్ స్పైసీ టేస్ట్ చికెన్ దో ప్యాజ్..

తియ్యతియ్యగా.... కారం కారంగా ఉండే చికెన్ దో ప్యాజ్. చికెన్ వెరైటీలలో ఇదో రకం. ఈ వంటకం పంజాబీలు ఎక్కువగా ఇష్టపడుతారు. చికెన్ దో ప్యాజ్ ఒక డిఫరెంట్ టేస్ట్ కలిగి ఉంటుంది. ఇది సాధారణ చికెన్ మసాలా కర్రీలానే ఉంటుంది. అయితే ఉల్లిపాయలను ఎక్కువగా వాడటం వల్ల చికెన్ ఫేవర్ మారుతుంది. దాంతో టేస్ట్ కూడా అద్భుతంగా ఉంటుంది. ఇది బిర్యాని, చపాతీలకు అద్భుతమైనటువంటి కాంబినేషన్. భారతీయ సుంగద్రవ్యాలు, ఉల్లిపాయ ముక్కలు, చికెన్ తో చేసే ఈ వంటకాన్నీ ఏ కార్యాలకైనా(సందర్భాలలోనైనా) వండుకోవచ్చు.

కావలసిన పదార్థాలు:
చికెన్: 1kg
ఉల్లిపాయలు: 1/2kg(రౌండ్ గా కట్ చేసుకోవాలి)
పెరుగు: 1/4ltr
కారం: 2tsp
గరం మసాలా: 1tbso
ఉప్పు: రుచికి తగినంత
అల్లం, వెల్లుల్లి పేస్ట్: 1tbsp
పసుపు: 1tsp
ధనియా: 1tsp
టమోటో గుజ్జు: 250grms(2cups)
నూనె: తగినంత
గుడ్లు: 4(ఉడికించినవి)

తయారు చేయు విధానం:
1. ముందుగా ఒక పాన్ తీసుకొని అందులో కొద్దిగా నూనె వేసి వేడిచేయాలి. అందులో హోల్ గరం మసాలా వేయాలి.
2. తర్వాత మిక్సీలో పెరుగు, వేయించిన ఉల్లిపాయ ముక్కలు వేసి మెత్తగా పేస్ట్ చేసుకోవాలి. ఈ మిశ్రమాన్ని పాన్ లో వేగుతున్న హోల్ గరం మసాలా కు కలిపి వేయించాలి.
3. రెండు నిమిషాల తర్వాత అందులోనే అల్లం వెల్లుల్లిపేస్ట్, మరియు గరం మసాలా వేసి కలుపుతూ వేయించుకోవాలి.
4. తర్వాత టమోటో గుజ్జును వేసి మరో రెండు నిమిషాలు వేయించి, అవసరమనుకొంటే కొద్దిగా నీళ్ళు కలుపుకోవాలి.
5. తర్వాత ఉడుకుతున్న గ్రేవీలో చికెన్ ను కలిపి మరో పది నిమిషాల మెత్తగా అయ్యేంత వరకూ ఉడికించుకోవాలి.
6. చికెన్ మృధువుగా ఉడికిన తర్వాత స్టౌ ఆఫ్ చేసే ముందు ఉడికించిన గుడ్లను కూడా కలుపుకొని ఒక నిమిషం ఉడికిన తర్వాత ఉల్లిపాయ చక్రాలను అందులో వేసి ఉడికించుకోవాలి. అంతే చికెన్ దో ప్యాజ్ రెడీ.. హాట్ హాట్ చికెన్ దో ప్యాజ్ ను సర్వ్ చేయడమే తరువాయి....