ఇండియన్ స్టైల్ స్పైసీ చికెన్ వింగ్స్

ఫాస్ట్ ఫుడ్ టర్లు లేదా ఫుడ్ జాయిట్స్ లో చికెన్ వింగ్స్ తిని బోరుకొడుతోందా?మరి మనమే ఇంట్లో తయారు చేసుకుంటే ఎలా ఉంటుంది. కొన్ని మసాలా దినుసులు మరియు తేనె, మస్టర్డ్ ఉపయోగించి ఇక రెస్టారెంట్ చికెన్ వింగ్స్ మనమే తయారు చేసుకోవచ్చు. ఈ చికెన్ వింగ్స్ ఓవెన్ లేదా డైరెక్ట్ పాన్ లో కూడా ఫ్రైచేసుకోవచ్చు.

ఈ బార్బెక్యూడ్ స్పైసి చికెన్ వింగ్స్ ఒక భారతీయ వంటకం. ఈ చికెన్ వింగ్స్ వంటకాన్ని కొన్ని మసాలాలతో ప్రత్యేకంగా మ్యారినేట్ చేయబడి తాయరు చేస్తారు. ఇది ఓ రుచికరమైన స్పైసి స్టార్టర్.మరి మీరు టేస్ట్ చేయాలంటే ఈ చికెన్ వింగ్స్ ను ప్రయత్నించండి...

కావల్సిన పదార్థాలు:
చికెన్ వింగ్స్: మీకు కావల్సిన సైజులో కట్ చేసుకోవాలి
డిజొన్ మస్టార్డ్ : 3-4tbsp
ఎల్లో మస్టర్డ్: 3tbsp
తేనె: 3tbsp
వెనిగర్: 2tsp
హాట్ పెప్పర్ సాస్: 2tsp
బ్లాక్ పెప్పర్: 4-5

తయారు చేయు విధానం:
1. ముందుగా ఓవెన్ ను 450డిగ్రీల వరకూఉంచి అందులో బేకింగ్ షీట్ ఆల్యూమినియం ఫాయిల్ పరిచి దాని మీద నూనెను రాయాలి.

2. చికెన్ వింగ్స్ ను కావల్సిన సైజులో (3-6సెం.మీ)కట్ చేసుకొని సర్ధాలి). ఈ చికెన్ ముక్కల మీద ఉప్పు వేసి వేగించాలి. 20-25పాటు చికెన్ ముక్కలు బ్రౌన్ కలర్ వచ్చేంత వరకూ వేగించుకోవాలి.

3. ఇప్పుడు ఒక బౌల్ తీసుకొని అందులో ఎల్లో మస్టర్డ్(పసుపు ఆవాలు), డిజోన్ ఆవాలు, తేనె, పెప్పర్ సాస్, బ్లాక్ పెప్పర్, సైడర్ వెనిగార్ మరియు ఉప్పు వేసి బాగా మిక్స్ చేసి, ఈ మిశ్రమాన్ని వేగించి పెట్టుకొన్న చికెన్ వింగ్స్ కు బాగా అప్లై చేయాలి.

4. తిరిగి ఈ మస్టర్డ్ చికెన్ వింగ్స్ ను ఓవెన్ లో మరికొన్ని నిముషాలు ఉడికించుకొని వేడి వేడిగా సర్వ్ చేయాలి. అంతే ఇండియన్ స్టైల్ చికెన్ వింగ్స్ రెడీ...