స్పైసీ మసాలా చికెన్ సమోసా

Non Veg

oi-Saraswathi

By Sindhu

Published: Wednesday, April 4, 2012, 10:37 [IST]

ఒకేరకమైన చికెన్ వంటకాలు తినాలంటే బోర్ కొడుతుందా..? సాయంత్రం వేళల్లో కొత్త రుచులను కొత్తగా ఆస్వాధించాలని ఉందా..? మసాలా చికెన్ రుచిచూడండి. కారం కారంగా ఉండే రాయలసీమ రుచులు వేటికవే ఎంతో ప్రత్యేకంగా వుంటాయి. వాటిలో చికెన్ బిర్యాని, మటన్ బిర్యాని, చేపల పులుసు, రొయ్యల కర్రీ ప్రసిద్ధమైన వంటకాలు., ఈ వంటకాలలో వెరైటీ వంటకం మసాలా చికెన్ సమోస. ఈ వెరైటీ వంటకంతో మాంసాహార భోజనప్రియులను ఆనంద పరుచుస్తాయి.. మైమరపిస్తాయి..

కావలసిన పదార్థాలు:
చికెన్ : 1/2kg
అల్లం వెల్లుల్లి పేస్టు : 2tbsp
గరం మసాలా: 1tsp
ఉల్లిపాయ ముక్కలు: కొద్దిగా
పచ్చిమిర్చి: 4-6
కొత్తిమీరతురుము: 1tbsp
చెక్కలవంగం, యాలకులు పొడి: 1tsp
కారం : 1tsp
ఉప్పు : రుచికి తగినంత
పసుపు : చిటికెడు,
మైదాపిండి : 2cup
గోధుమపిండి : 1cup

తయారుచేయు విధానం
1. ముందుగా చికెన్‌ ను మిక్సీలో వేసి రుబ్బుకోవాలి.
2. తరువాత ఆ చికెన్ మిశ్రమానికి మిరపపొడి, ఉప్పు, పసుపు, అల్లం వెల్లుల్లి పేస్టు కలుపుకోవాలి.
3. ఇప్పుడు ఒక పాన్ లో తగినంత నూనె వేసి కాస్త వేడి అయ్యాక చికెన్ మిశ్రమాన్ని వేసి ఉడికించుకోవాలి.
4. ఉడికించిన ఈ మిశ్రమంలో వెల్లుల్లి ముక్కలు, పచ్చిమిర్చి, కొత్తిమీర తరుగు, యాలకులపొడి, గరంమసాలా అన్నీ వేసి బాగా కలుపుకోవాలి.
5. తరువాత మైదా, గోధుమపిండిలో కొద్దిగా ఉప్పు వేసి చపాతి పిండిలా కలుపుకోవాలి. ఈ పిండిని చపాతీల మాదిరిగా వత్తుకుంటూ సగానికి కట్ చేసి సమోసాలాగా మడతపెట్టాలి.
6. తర్వాత అందులో ఉడికించి గరం మసాలాతో రెడీ చేసి పెట్టుకొన్న చికెన్ మిశ్రమాన్ని పెట్టి దగ్గరకి వత్తుకోవాలి. ఈ సమోసాలను నూనెలో ఎర్రగా అయ్యే వరకు వేయించుకోవాలి. అంతే.. చికెన్ సమోసా రెడీ.