స్పైసీ మసాలా ఎగ్ పెప్పర్ ఫ్రై

Non Veg

oi-Saraswathi

By Sindhu

Published: Thursday, June 21, 2012, 17:06 [IST]

గుడ్లుతో ఎన్నో వెరైటీ వంటకాలను వండుతుంటాం. అయినా కూడా ఏదో ఒక కొత్త రుచి కోసం ప్రయత్నిస్తుంటాం. అలాంటి వాటిల్లో మసాలా ఎగ్ పెప్పర్ ఒకటి. ఇది తయారు చేయడం చాలా సులభం. సమయం కూడా తక్కువే. టమోటో మసాలతో, చివరగా గార్నిష్ చేసే పెప్పర్ పౌడర్ తో ఈ వంటకం రుచి అమోఘం. ఇది ఏదైన వెరైటీగా చేసుకొన్న ఫ్రైడ్ రైస్ లకు లేదా పలావ్, మరియు బిర్యానికి కూడా మంచి కాంబినేషన్. మీరు ట్రై చేసి చూడండి.....

కావలసిన పదార్థాలు:
గుడ్లు: 6
ఉల్లిపాయలు: 2
టమోటో: 1
కరివేపాకు: రెండు రెమ్మలు
అల్లం: చిన్న ముక్క
కారం: 1tsp
వెల్లుల్లిపాయలు: 6-8
గరం మసాలా: 1tsp
పెప్పర్ పౌడర్: 1tsp
కొత్తిమీర తరుగు: 2tbsp
ఉప్పు: రుచికి సరిపడా
నూనె: తగినంత
ఆవాలు: 1tsp
జీలకర్ర: 1/2tsp
శెనగపప్పు: 1tsp

తయారు చేయు విధానం:
1. ముందుగా గుడ్లును ఒక గిన్నెలో కావలసినంత నీళ్ళు పోసి అందులో ఉడికించి, స్టౌ మీద నుండి దింపుకొని ఐదు నిమిషాల తర్వాత పై పొట్టు తీసి పక్కన పెట్టుకోవాలి.
2. తర్వాత పాన్ లో నూనె వేసి కాగిన తర్వాత అందులో ఆవాలు, జీలకర్ర వేసి చిటపటలాడాక, శెనగపప్పు, కరివేపాకు, వేసి దోరగా వేయించుకోవాలి.
3. ఇప్పుడు అందులో అల్లం తురుమును, వెల్లుల్లి ముక్కలు మరియు సన్నగా తరిగిపెట్టుకొన్న ఉల్లిపాయ ముక్కలు వేసి దోరగా వేయించుకోవాలి.
4. ఐదు నిమిషాల తర్వాత టమోటో ముక్కలను కూడా వేసి బాగా వేగనివ్వాలి. టమోటో మెత్తగా నూనెలో ఉడికిన తర్వాత కారం, గరం మసాలా వేసి మరో రెండు నిమిషాల పాటు ఫ్రై చేయాలి.
5. తర్వాత అందులో కొద్దిగా ఉప్పు వేసి కలబెట్టి కొద్దిగా నీళ్ళను చల్లి బాగా మిక్స్ చేసి ఫ్రై చేయాలి.
6. ఇప్పుడు ఉడికించి పెట్టుకొన్న కోడి గుడ్లును ఒక్కోదాన్ని రెండు లేదా నాలుగు ముక్కలుగా కట్ చేసుకొని స్టౌ మీద వేగుతున్న మసాలాలో వేసి సున్నితంగా కలియబెట్టాలి. (గుడ్డులోని పసుపు పదార్థం మసాలాకు అంటుకోకుండా )ఫ్రై చేయాలి.
7. చివరగా పెప్పర్ పౌడర్ ను, కొత్తిమీర తరుగును చల్లి ఒక నిమిషం తర్వాత స్టౌ ఆఫ్ చేసి క్రిందికి దింపుకోవాలి. అంతే సర్వ్ చేయడానికి వేడి వేడి మసాలా ఎగ్ పెప్పర్ ఫ్రై రెడీ....ఇది ఏదైన వెరైటీగా చేసుకొన్న రైస్ కు లేదా పలావ్, మరియు బిర్యానికి కూడా మంచి కాంబినేషన్.