చదవండి.., తప్పక నోరూరుతుంది..!!

Published: Friday, August 26, 2011, 11:26 [IST]

తెలుసుకోవాలని ఆత్రుతగా ఉన్నారా.., ఆ రుచి కోసం పరితపిస్తున్నారా.., పాఠకుల కోసం ప్రతిరోజు పసందైన అభిరుచిలను పరిచయం చేస్తున్న 'వన్ ఇండియా' మరో సరికొత్త ఘుమ ఘుమతో మీ ముందుకొచ్చింది. ఈ రోజు మీకు పరిచయం చేయుబోతున్న వంటకం పేరు 'టాకా మర్గ్', భారతీయ మాంసాహార రుచుల్లో సుప్రసిద్ధ వంటంకంగా పేరు గాంచిన 'టీకా మర్గ్' అద్భతమైన రుచులను ఇంటిల్లిపాదికి అందిస్తుంది. రంజాన్ మాసంలో మహ్మదీయులు ఈ వంటాకాన్ని, ఉపవాసమనంతరం రంజుగా లాగిస్తుంటారు. ఆరోగ్యానికి శ్రేయస్కరమైన ఈ వంటకాన్ని 30 నిమిషాల్లో తయారు చేసుకోవచ్చు. ఈ వంటకాన్ని ఒక్క సారి రుచిచూసారంటే.. మళ్లి మళ్లి కోరుకుంటారు.

'టీకా మర్గ్' తయారీకి కావల్సిన పదార్థాలు:

- తాజా కోడి మాంసం 500 గ్రాములు (మధ్య సైజులు కట్ చేసినవి)
- పండు మర్చి 8
- మెంతులు 2 టేబుల్ స్పూన్లు
- ధనియాలు 2 టేబుల్ స్పూన్లు
- మిరియాలు 2 టేబుల్ స్పూన్లు
- జీలకర్ర 2 టేబుల్ స్పూన్లు
- ఉల్లిపాయలు 2 (సన్నగా తరిగినవి)
- వెల్లులి 8 రెబ్బలు (సన్నగా తరిగినవి)
- అల్లం 1 చిన్నముక్క( సన్నగా తరిగినది)
- తాజా పెరుగు 100 గ్రాములు
- నూనె 3 టేబుల్ స్పూన్లు
- గరమ్ మసాలా (బ్రాండెడ్ ది)
- సాల్ట్ తగినంత

"ఈ వంటంకంలో ఇన్ని మషాలా దినుసులు కలపాలా అని బెదిరిపోకండి, మిక్సర్లో వేసారంటే రెండు నిమిషాల్లో పని ముగుస్తుంది.''

తయారీ విధానం:
- ముందుగా పండుమిర్చి, మిరియాలు, ధనియాలు, జీలకర్ర, మెంతులను గ్రైండ్ చేసుకోండి.
- శుభ్రం చేసుకున్న మాంసంలో, పెరుగు, గ్రైండ్ చేసుకున్న పేస్ట్ ను కలిపి గంట సేపు నానబెట్టండి.
- ఇప్పుడు ప్యానం పై నూనెను పోసి వేడి చేయండి. కాగిన నూనెలో తరగిపెట్టకున్న ఉల్లిపాయ ముక్కలలో సగ భాగాన్ని వేసి క్రిస్పిగా వేపుకుని పక్కన పెట్టకోండి
- తరవాత మిగిలి ఉన్న మరో సగ భాగం ఉల్లిముక్కలను నూనేలో వేసి బంగారు రంగు వచ్చేంత వరకు వేయించడి. వేగిన ఉల్లిముక్కల్లో అల్లుం, వెల్లులి ముక్కలను వేసి రెండు నిమిషాలు పాటు వేయించండి.
- నానబెట్టకున్న చికెన్ మిశ్రమాన్ని, అల్లం, వెల్లులి మిశ్రమంలో కలగలిపి 8 నిమిషాలు పాటు ఉడికించండి.
- పాన్ లో వేడి వేడిగా ఉన్న చికెన్ మిశ్రమాన్ని కుక్కర్ లోకి తీసుకుని రెండు కప్పుల నీటితో పాటు సాల్ట్ ను కలపండి.
- రెండు విజిల్స్ వచ్చేంత వరకు ఉడికంచి తరువాత గరమ్ మాసాలా, వేయించుకుని పెట్టకున్ ఉల్లి ముక్కలను చల్లండి.

ఫినిష్..!! మీరు కోరుకున్న 'టీకామర్గ్' తయారైనట్లే, వేడి వేడి అన్నంలో గాని, రోటీలలో గాని ఈ వంటకాన్ని నంచుకుని తింటే ఆమోఘ. అద్భతం.. కావాలంటే మీరు ఒకసారి ట్రై చేసి చూడండి.